Amina Alaoui

de Vikipedya, la ansiklopedya líbera
Saltar a: navigación, buxcar

Amina Alaoui es una kantadera marroki de musika Araba-Andaluzí. Eya kanta en arabo, persa klasiko i haketia.

Amina nasió enel anyo 1964 [1]en una famiya aristokratika en Fes, Marroko. Kuando eya tinia sesh anyos, ambezó musika Araba-Andaluzí kon la su famiya. Endemas de chika ambezó a tanyer piano i fue eleva de Musika Klasika Evropea kon el konduktor Mohamed Abou Drar. Amina endemas fue eleva enel Konservatorio de Rabat entre los anyos 1979 i 1981 kon Ahmed Aydoun i Mohammed Ouassini; tambien fue eleva de dansa modérna kon Marie-Odile Loakira i de dansa klasika kon Vera Likatchova[2]. Amina estudio enel lisé Descartes i estudio filolojiya i linguistika de las linguas kastilyana i araba en las universitas de Madrid i de Granada.

Musika Araba-Andaluzí[trocar | editar código]

Kuando bivía en Granada, Amina izo peskisas personalas ensima de las musikas Araba-Andaluzí i oryentala. Eya se izo espesialista en la musika araba-andaluzí, espesialmente enel estil gharnati. Eya dempues se fue a bivir a la sivdad de Paris enel anyo 1986, ande eya estudio musika gharnati ("de Granada", en arabo) kon Rachid Guerbas i Ahmed Piro. Aya endemas estudio Musika Medievala Evropea kon Henri Agnel i Musika klasika Persika kon Djalal Akhbari.

Diskografiya[trocar | editar código]

  • Gharnati:Musique arabo-andalouse du Maroc (1995)
  • Alcántara (1998)
  • Gharnati: En Concert (2009)
  • Siwan (2009) -kon Jon Balke-

Kolavorasiyones[trocar | editar código]

  • Rachid Taha: Diwan (1998)
  • Music From The Heart Of The World: Sounds True Anthology (2000)
  • Women's Sacred Chants (2003)
  • Rachid Taha: Diwan Live in Concert (2005)

Referensias[trocar | editar código]

  1. Amina Alaoui. World Music Central
  2. Amina Alaoui. Saphrane: World-Classic-Jazz


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.