Aron Akodesh

de Vikipedya, la ansiklopedya líbera
Saltar a: navigación, buxcar

El Aron Akodesh (en ivrit ארון הקודש) o Ehal (en ivrit היכל) en una esnoga, es la palavra uzada en ivrit para yamar al la kamareta dekorada i ornada ande se guardan los pergaminos de laTora. Jeneralmente los Ashkenazim lo yaman Aron Akodesh i los sefardim Ehál[1]. En la mayoria de los kavzos, esta kamareta esta ubikada en la pared de la esnoga ke esta má serkana a Yerushalayim.

Orijin de los nombres[trocar | editar código]

Aron Akodesh[trocar | editar código]

Aron Akodesh viene de la palavra en ivrit אָרוֹן קׄדֶשׁ ārōn kodeš, "Arka Santa". Este nombre aze referensia al aron ha-kodesh, el nombre en ivrit para el Arka de la Aliansa ke se tinía guadráda en el Kodesh Akodashim en el antiko Mishkan i en el Templo de Yerushalayim.

Ehál[trocar | editar código]

Ehál, alkunas vezes yamado Ehál Kodesh (sobre tódu entre los sefardim de losBalkanes) viene de la palavra en ivrit הֵיכָל (ēhāl) ‘palasio’, un termo uzado tambien durante los diyas del Bet Amikdash para referirse a la kamareta ande estaba el Kodesh Akodashim. Tódu lo kualo estaba ayí era lo má relijiozo i emportante.

Ubikasiyon i estruktura[trocar | editar código]

El Aron Akodesh uzualmente esta serka o en lamisma pared ke mira verso Yerushalayim[2]. En akeyos kavzos ande el Aron Akodesh no esta oryentado asia Yerushalayim, igual se melda kon direksiyon de la sivdad, sobre tódu en la Amida o Shmona Esre.

En alkunas esnogas muy antikas, el Aron Akodesh no esta dentro de la esnoga, sino en una kamareta al lado, para amostrar ke la kedushá de la esnogano esta relasionada kon el Aron Akodesh sino kon el ke es un lugar de arrogamyénto.La Tora se yeva a la esnoga para meldar.

Munchos tienen un parohet, una kurtina la kuala es ubikada para kuvrir las portas del Aron Akodesh (asigun el minhag ashkenazi i mizrahi) o sino, tras de las portas (minhag sefardi de Espanya, Portugal i Marroko).

Galleriya[trocar | editar código]

Ver endemás[trocar | editar código]

Referensias[trocar | editar código]

  1. Transliterated Hebrew Glossary. Derech.org
  2. The Israel Koschitzky Virtual Beit Midrash. Yeshivat Har Etzion

Enlasos eksternos[trocar | editar código]