Baha'i

de Vikipedya, la ansiklopedya líbera
Saltar a: navigación, buxcar
Estreya de mueve pontas
Bahaizmo
Fondador Bahá'u'lláh
Deidad El Dio
Tipo Monoteizmo
Nombre i número de fiyeles Bahaís, unos 6 milyones
Livro sagrado Kítab-i-Aqdas
Lingua relijioza Kada kualo es libbero de meldar en su propia lingua
Lingua de los livros sagrados orijinalos Arabo i Farsi
Orijinala de Iran
Sede Flag of Israel.svg Haifa, (Israel)
Lugares Santos Flag of Israel.svg Akko
Flag of Israel.svg Haifa
Payises kon mayor povlasion Flag of India.svg India
Templos Kaza de arrogamyento Baha'i
Sembol Estreya de mueve puntas
Relijiones relasionadas Djudaismo, Kristyanismo, Islam, Induizmo, Budizmo, Zoroastrizmo

Baha'i, o Baha'izmo[1] es una relijion monotheista ke tene orijen en Persia en el siyekolo 19. Se Baza en las eskrituras de "Bahá'u'lláh" ke disho resivir mensajes del Dio en la tradision del profeta musulmano Muhammad (Ke la paz seja kon el). Bahá'u'lláh murio en la prizion de Akko en Palestina Ottomana, onde fue prisonero. La komunidad relijiosa, ke tene aldredor de 5 miliones de fideles, tene un complejo impresionante en la sivdad yisraeli de 'Ayifa (Haifa), ke es el sentro mundial de la vida relijiosa de dicha komunidad.

Bahá'u'lláh ensinyó ke egziste un uniko Dio, el kualo va amostrando la su voluntad kon la umanidad poko a poko. Asigun la relijión bahaí, kada una de las grandes relijiones entrodusidas por los Mesajeros de El Dio —komo Moshe Rabenu, Krishna, Buda, Zoroastro, Yesukristo, Mahomet i El Bab— son epokas del dezvelopmayénto relijiozo de la umanidad. Los bahaís kreen ke Bahá'u'lláh es el mas muevo de estos mesajeros ike las sus ensinyansas estan lisionadas kon los diyas de muestra epoka aktuala. Por esto, la relijión bahaí esta inkluida entre las relijiones abrámikas.

Asigún el Anuario de la Ansiklopedia Británika de 1992, el bahaízmo es la sigunda relijión más ekstendida enel mundo entre las relijiones independientes, d'akódro kon el número de payises en los kualos se ankontra: 247 payises i territorios. Los bahaís pertenesen a mas de 2.100 grups étnikos, rasiales i kulturalos, i en total son unos 6 milyones de fiyeles enel mundo. Los prinsipales tekstos sagrados de la relijión estan traduzidos en 802 linguas. La idea sentrala del bahaízmo es ke la umanidad es una unika raza i bushka el diya de la su unifikasión en una sosyeté mondiala.

Referensias[trocar | editar código]

  1. Bahaísmo. Real Akademia Espanyola. Diccionario panhispánico de dudas. Editorial Santillana. 2005 (en lingua kastilyana)