Basha Kalifornia

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Estado de Baja California
יסטאדו די באשה קאליפורניה
Estado de Basha Kalifornia


Bandyera	Eskudo

Paiz:	Meksiko
Entidad:	Estado
Kapitala:	Mexicali
Mayor sivdad:	Tijuana
Linguas ofisialas:	Kastilyano.
Forma de governo:	Estado federal i soberano
Shefe de governo:	José Guadalupe Osuna Millán, Francisco Vega de Lamadrid, Jaime Bonilla Valdez, Marina del Pilar Ávila Olmeda
Ekstension:	71 450 km²
Povlasion:	3 315 766
·Densidad:	4.6 ab/km²
Djentilisio:	Bassacaliforniano
Uzo orario:	UTC−8
Kodigo ISO:	MX-BCN
Hoja web:	http://www.bajacalifornia.gob.mx/

Basha Kalifornia (en lingua kastilyana; Estado de Baja California), ofizialmente yamado Estado Livre i Soberano de Basha Kalifornia. Es una de las 32 entidades federalas del Meksiko ke topa al nordoeste del paiz, la su kapitala es la Mexicali, la mayor sivdad es Tijuana. Topan las sus frontieras kon los estados de Basha Kalifornia Sud i Sonora, tambien tiene frontiera internasionala kon los Estados Unidos al norte.

Etimolojia

El nombre Kalifornia ya existía denantes del deshkubrimiento de Amérika, era el nombre de un paiz animado o inventado.

Istorya

La presensia umana en el estado esta datada de katorsen mil anyos kuando ayegaron a la penínsola por la senda de las beiras del Oséano Pasífiko los primeros ombres nomadas, por la subsistensia de alimento.

Jeografia

El territorio bashakaliforniano komparte frontieras kon Basha Kalifornia Sud al sud i al norte kon Kalifornia, enlos Estados Unidos. El estado es apartajado en sinko belediyes, la kapitala es Mexicali. La entidad es parte de la Peninsola de Basha Kalifornia i es el estado mas nortenyo del paiz.

El estado de Basha Kalifornia se topa en las koordenadas jeografikas del meridiano de Greenwich latitud norte 29º 57' 00 minima, 28º 00' 00 maxima, longitud oeste 112º 00' 47 minima, 116º 00' 53 maxima. En el Oseano Pasifiko ay dos grandes izlas, izla Guadalupe i la izla Cedros, tamben al sud kedan las izlas San Benito. En la Mar de Cortés ay una grande izla ke es Izla Ángel de la Guarda i otras izlas komo izla Smith i la izla San Lorenzo.

Orografia

La serralada sentrala es apartajada en dos katenas montanyosas, la Serralada de San Pedro Martir (kon el piko mas grande, Picacho del Diablo) i la Serralada Juárez al norte en la vora del belediye de Tecate.^[1]

Idrografia

El belediye de Ensenada es rodeado por dos mares, per las aguas del Oseano Pasifiko i las aguas dela Mar de Cortés, la bahia de Todos Santos és onde se topa el Porto de Ensenada i del lugar yamado La Bufadora, mas abasho topa la bahia Colonet. En la mar de Cortés es la bahia de Los Ángeles.

Uno de los rios mas emportantes, es el Rio Kolorado, ke desemboka en la Mar de Cortés, onde ay un delta ke aze la korriente del rio, en lindero kon el estado de Sonora. Los korpos de agua zon la Laguna Handson en la Serralada Juárez i Laguna Agua Amarga en el Vaye de los Sirios.

Klima

En el estado de Basha Kalifornia ay una grande diversidad de klimas, el noroeste es de klima mediterraneo, lugar ande muchiguan frutos komo olivo, uva o nar, las katenas montanyosas zon de klima templado i frio, ayi ay huertes inyevadas en invierno i esta yeno de sharas de pinos, ensinos y arvoles de grandes dimensiones, se konose komo la Sierra de San Pedro Martir o la Sierra Juarez; en la mayor parte del territorio estatal es desyerto kon pokas luvias, rodeado de mares i inyevikas, ay aki plantas propias de la tierra ke no ay en otras partes del olam.