Bet Shemesh Blue Sox

Un artíkolo de la Vikipedya, la ansiklopedya líbera

El Bet Shemesh Blue Sox (en ivrit: בית שמש בלו סוקס) es un ekipo de beisbol yisraeli de la sivdad de Bet Shemesh.

Es uno de los ekipos ke aperturan la Lega de Beisbol de Yisrael. El ekipo iva tener el mejor enrejistro de la temporada (29-12, .707), i iva ganar el primér kampeonato el 19 de Agosto de 2007, en Petah Tikva, ganando al ekipo Modi’in Miracle 3-0 en el djuego de kampeonato. El Kaliforniano Rafael Bergstrom iva lansar un djuego kompleto, derrotando al Dominikano Maximo Nelson (5-3, 3.55 ERA), el ke iva lansar para Modi’in.

Istorya[trocar | trocar el manadero]

El 26 de Fevrero de 2007, se iva anunsiar ke Ron Blomberg iva ser el shefe del ekipo. Los kolores del ekipo endemas reflektan la afiliasyion de Blomberg kon los New York Yankees, i espera ke los direktivos de la IBL krien una rivalidad entre el Modi'in Miracle de Art Shakmsy (kon kolores paresidos a los de los New York Mets) i los Blue Sox. El primér djugador eskojido por los Blue Sox en el primér draft fue el pitcher diestro kanadiense Jason Benson.

Stadio[trocar | trocar el manadero]

Ubikado en el Kibutz Gezer, Gezer Field es la kaza del Blue Sox i endemas del Modi'in Miracle, deke ninguna de las dos sivdades tiene unpróprio stadio de beisbol. Afilu un muevo stadio se esta fraguando en Bet Shemesh.

[trocar | trocar el manadero]

El logo del Blue Sox logo es una mistura del logo del Chicago White Sox i del de los New York Yankees, i las sus letras Bet i Shin asen las inisiales de la sivdad de Bet Shemesh, eskritas en diagonal de dirita a sinistra, déke en ivrit ansina komo en djudeo-espanyol i en idish al uzar el alefbet seeskrive de dirita a sinistra.

Egzitos del ekipo[trocar | trocar el manadero]

Los Blue Sox akabaron kon un buen final en la temporada priméra de la Lega de Beisbol de Yisrael, ganando 9 djuegos sigidos antes de perder un djuego kon Tel Aviv Lightning. El ekipo djugo bien por el resto de la temporada, tomando el primo lugar en la temporada regular, ansina komo ganando el djuego de kampeonato frente de 2.610 fanatikos.

El ekipo iva ser el ekipo má ofensivo de la LBY, yegando de primér lugar en las sigintes kategoriyas: promedio de bateo (.294), karrieras (286), hits (325), dobles (61), home runs (60), RBIs (251), i bazas robadas (115). El rightfielder ostralyano de 23 anyos Jason Rees iva ser el lider de la lega kon 17 home runs i 50 RBIs en los sus 130 okasiones al bate. Jason Rees iva ser firmado para djugar en las legas menores para los New York Yankees en la temporada del anyo 2008.

Uno de los pitchers má emportantes de la lega iva ser Juan Feliciano del Bet Shemesh Blue Sox, el kualo lansaba antes para el Hiroshima Carp de Japon en la temporada 2005-06. El su erejistro era 7-1, kon un ERA de 1.97 ERA, i en 50.1 solo iva permitir 28 hits i ekspulso a traverso de strike outs a 73 djugadores. Rafael Bergstrom fue 7-2, kon un ERA de 2.44.

Tres djugadores del Blue Sox ganaron premios por djuego destakado: Gregg Raymundo, djunto a Eladio Rodriguez del Modi'in Miracle iva resibir el premio al djugador de má valor Hank Greenberg; Juan Feliciano iva ser nombrado el amijor pitcher de la lega, i Jason Rees iva resisbvir dos premios: El amijor Outfielder (kompartido kon Josh Doane de los Netanya Tigers) i kampeon de Home Runs.

Endemas, el ekipo iva tener 11 djugadores yamados para el ekipo Todos Estreyas de la temporada 2007: Scott Jarmakowicz (C), Gregg Raymundo (SS), David Kramer (2B), Sean Slaughter (OF), Jason Reese (OF), Johnny Lopez (DH), Rafael Bergstrom(P), Ben Pincus (P), Scott Perlman (P), Juan Feliciano (P), i Jason Benson (P). El Shefe para el ekipo del Nord iva ser el Shef del Blue Sox Eric Holtz, i el Nord iva ganar al ekipo del Sud 5-4.


Ikono de esbozo
Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.