Betahayim de Coro

de Vikipedya, la ansiklopedya líbera
Saltar a: navigación, buxcar
Entrada del Betahayim Djudio de Coro

El Betahayim de Coro (en kastilyano Cementerio Judío de Coro) es el betahayim djudio má antiko ainda en uzo[1] de Amerika. El su orijen se puede ubikar enel syéklo XIX, kuando la komunita sefardi de la adá olandeza de Curaçao empiesó a migrar asia la sivdad de Coro enel anyo 1824. El sementario se empiesa a fraguar enel anyo 1832 por el sinyor Joseph Curiel[2] i la su esposa, Debora Levy Maduro, los kualos merkaron un kanton de tierra serkano a la sivdad para poder entierrar a la su ija, Hana[3]. Enel betahayim se pueden ankontrar tumbas ermozas, las kualas son arikódros de la epoka kuando los djudios prosperavan en la sivdad, shukur al komersio kon las Antiyas Olandezas. El betahayim esta ubikado en la máale de Pantano Abajo, entre la avenida Roossvelt i la kaleja Zamora[4]. Enel betahayim se ankontran la tumbas de los poetas venezuelanos de orijin sefardi Elías David Curiel i Salomón López da Fonseca, inyeto del haham de Amsterdam, Isaac Aboab da Fonseca.

El betahayim fue restorado en la anyada de los 70, shukúr a la adjuda de la Asosiasiyon Yisraeli de Venezuela i el governo nasyonal de antonses. Endagora, dempues de dos anyos de luvias inesperadas en la rejion, las kualas tienen danyadas alkunas de las fráguas de la máale antika de la sivdad, la kuala es Erensia Kulturala de la Umanidad, a traverso de un akódro entre el Sentro de Estudios Sefardis de Karakas —representando a la Asosiasiyon Yisraeli de Venezuela— i la Constructora Sambil, la kuala es una entreprisa de una famiya djudia, se va refraguár el betahayim[5].

Ver endemas[trocar | editar código]

Referensias[trocar | editar código]

Comunidad Judía de Coro (1824-1900) Una historia. Isidoro Aizenberg. Sigunda Edisiyon. Biblioteka Popular Sefardi.

  1. Venezuela: El primer cementario judío de Sudamérica es reacondicionado. eSefarad.com
  2. International Jewish Cemetery Project: CORO: Falcon
  3. Cementerio Judio de Coro, Venezuela
  4. El Cementerio Judío. MiPunto.com
  5. Refaccionarán el Cementerio Judío de Coro. Nuevo Mundo Israelita

Enlasos eksternos[trocar | editar código]