Bilbiliko

Un artíkolo de la Vikipedya, la ansiklopedya líbera
(Redirijado de Bilbilikos)
Un Bilbiliko kantando
Luscinia megarhynchos

Los bilbilikos, de nombre sientifiko Luscinia megarhynchos, son unos chikos pasharos jeneralmente konsiderados parte de la famiiya de las "kaza moskas", Muscicapidae. Endjunto a otras chikas espesies evropeas, a veces son yamados en inglez chat. El bilbiliko macho es bien konosido por el su kante, al ekstremo de ke alkunos kantaderos umanos son yamados "Bilbilikos" en admirasion; el su kante es intenso i huérte.

Etimilojiya[trocar | trocar el manadero]

El orijin del su nombre en lingua djudeo-espanyola es la palavra de orijin turkano "bülbül", i akesta a la su vez del persa "bylbyl", la kuala signifika "ruisenyor". Al vokablo orijinal se le agregó kon el paso del tyempo el diminutivo "iko", romanizando kompletamente ansina el termo oriyental.

Data de entereso[trocar | trocar el manadero]

En las tradisiones populares, el bilbiliko anunsia la primavera, es el pasharo del mes de Mayo, ma endemás es sobre todu el simbol del amor. En alkunos kantikos ladinos se usa esta palavra. El má famoso sin duda es presisamente la kansion ke yeva akeste mismo nonbre, modernamente entonada por artistas de la kategoriya de Yehoram Gaon, Sefarad o Yasmin Levy.