Bimuelos

de Vikipedya, la ansiklopedya líbera
Saltar a: navigación, buxcar
Birmelos de Pesah

Bimuelos (o tambien eskrito komo bunyuelos, birmuelos, bermuelos, burmuelos o bunyols) son tortas chikas de orijin espanyol. Los bimuelos son un postre popular en munchos payises de Amerika Latina, las isolas Filipinas, Espanya i en ande egzisten komunitas sefardis. Los bimuelos son una masa echa kon trigo o papas o mandioka, alkunas vezes kon savor de ainito, la kuala es amasada i frita en alzeyte kaliente, i dempues banyada kon una salsa dulse, un almibar. A vezes los bunyuelos son yenados kon kézo o jalea.

  • En Kolombia son salgados i echos kon un kezo blanko, i echo unas bolas chikas i dempues fritos asta kedar dourados. Se sirve uzualmente en Natal, kon natiya.
  • En Kuba son arroyados kon forma de ochu (8) i kuvijados kon un karamelo de ainito. La masa kontiene mandioka i malanga.
  • En Mexiko, la masa tiene un póko de levadura i anis, se frien en alzeyte kaliente, dempues benyados en un sirope de asukar, kanela i guava.
  • En Nikaragua los bunyuelos son echos kon mandioka. Son echos en forma de bolas i fritados en alzeyte kaliente i benyados kon myél. Son echos en kualkier momento del anyo

Egzisten referensias a los bimuelos en la kumida de Mayorka, Katalunya i Valensia: endemas, egzisten en la Turkiya, India i Suria. Los djudios en la Turkiya azen bimuelos kon matza en Pesah i kon arina de trigo kuando no es esta fyésta. Endemas, son kumidos durante Hanukka. En Olanda egziste un postre paresido, yamado Oliebollen (el kualo signifika bolas de alzeye, déke son echas fritadas en alzeyte kaliente) i tradisionalmente servidas el 31 de Disiembre: la masa es endulsada kon vainiya i puede kontener pasas o alkunos frutos sekos de la shará. Kuando es yenado kon krema se le yama Berliner Bollen, o bolas berlinezas.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.