Boulevard Rothschild

Un artíkolo de la Vikipedya, la ansiklopedya líbera
Estatua del alkalde Meir Dizengoff montando el su kavayo, ubikada en el boulevard

El Boulevard Rothschild (en ivrit שְׂדֵרוֹ‏ת רוטשילד, Sderot Rothschild) es un boulevard en la sivdad de Tel Aviv, Israel, el kualo tiene el su empesijo en la máale de Neve Tzedek en la su parte sud-oksidentala i ke va verso el nord norte hasta el Teatro Habima. Es una de las ramblas mas konosidas i kostozas de la sivdad, i una de los prinsipales atraktivos turistikos de la misma.[1]

Istorya[trocar | trocar el manadero]

El boulevard Rothschild, el kualo fue fraguado enel anyo 1910, fue orijinalmente nombrado Rehov Ha'Am, lit. "kaleja del puevlo". Poco tiempo dempues, los residentes demandaron ke fuese trokado el su nombre en onor al Baron Edmond James de Rothschild.[2]. La Deklarasiyon de Independensia de Yisrael fue firmada enel antonses Muzeo de Arte de Tel Aviv, en el numero 16 del boulevard Rotchschild i el kualo endagora es konosido komo Sala de la Independensia. La majorita de las fráguas istorikas presentes son del estil arkitektoniko Bauhaus, konformando pare de la Sivdad Blanka de Tel Aviv, la kuala es Erensia kulturala de la Umanidad nombrada por la UNESCO enel anyo 2003. la frágua konosida komo Lederberg House, fraguada enel anyo 1925 en la punta kon la Kaleja Allenby tiene una serie de murales de seramika de gran tamanyo desinyados por Ze'ev Raban, un elevo de la eskola de arte Bezalel; los katro murales amostran a un pionero djudio arando i arekojiendo los frutos del kampo, a un chobán i a la sivdad de Yerushalayim, con un pasuk de Yirmiyahu 31:4, "Muevamente yo te voy rekonstruyir i tu vas a ser rekonstruyida". "[3]

Referensias[trocar | trocar el manadero]

  1. For a prestigious address, nothing beats Rothschild. 06 de Octubre de 2008. Diario Haaretz. Por Arik Mirovsky
  2. Rothschild Boulevard history
  3. Beit Bialik, en Batya Karmiel, Tiles Adorned City; Serámikas de Bezalel en kazas de Tel Aviv, 1923-1929, Museo de Eretz Israel, Tel Aviv, 1996, en Ivrit kon algo de Inglez

Enlasos eksternos[trocar | trocar el manadero]


Commons Wikimedia Commons alberga kontenido multimedia sovre Boulevard Rothschild