Buhori

de Vikipedya, la ansiklopedya líbera
Saltar a: navigación, buxcar

El Buhori (Farsi: بخاری- boxārī, Tadjiko: бухорӣ - buxorī; Buhori: בוכארי - buxori) es un lashon de la lingua persa avlado en Asya Sentrala por los djudios buharianos.

El buhori esta bazado en la lingua persa klásika, kon un gran numero de biervos ebreos i algunos otros biervos uzbekos, arabos i rusos. Es una lingua muy relasionada kon el lashon tadjiko de la lingua persa i kon el Djidi.[1]

Oy endiya, la lingua es avlada por mas de 10.000 djudios ke biven en Uzbekistan i los payises proksimos, ansina komo unos 60.000 mas entre Israel i los Estados Unidos.

Komo otras linguas djudias, tradisionalmente, el buhori uza el alefbet hebreo[2]. Ma por modre de la enfluensia sovyetika, el alefbet uzado para el buhori fue el alefbet latino entre las anyadas de 1920 i 1940, para dempués ser trokado al alefbet sirikiko, por lo kualo munchos djudios buharianos solo konosen este alefbet, el kualo endemas es uzado para eskrivir el tadjiko, la su lingua "padre" i lingua franka de la rejion. Uy endiya, munchas ovras publikadas en buhori estan eskritas kon el alefbet siriliko de Tadjikistan, i solo algunas son eskritas enel alefbet ivrit. Kol Israel (קול ישראל) tiene un programa en buhori de 12:45 a 13:00 GMT.[3]


Referensias[trocar | editar código]

  1. Tamerlane and the Jews, por Michael Shterenshis, p. 85
  2. Bukhori (бухорӣ / בּוּכאָריִ / بخاری). Omniglot
  3. Kol Israel


 
Linguas djudias
Star of David.svg

Aragonit | Buhori | Djidi | Djudeo-Arabo | Djudeo-Bereber | Djudeo-Espanyol | Djudeo-Golpaygani | Djudeo-Hamedani | Djudeo-Malayalam | Djudeo-Marathi | Djudeo-Shirazi | Djuhuri | Gruzini | Haketia | Hulaulá | Italkit | Idish | Ivrit | Karaimit | Katalanit | Kaylinya | Krimchak | Kwara | La'az | Lishán Didán | Lishana Deni | Lishanid Noshan | Lusitaniko | Sarfatiko | Shuadit | Tetuani | Yevanitiko