Call de Barselona

de Vikipedya, la ansiklopedya líbera
Saltar a: navigación, buxcar
Krusado de las kalejas Marlet kon Sant Domènec, en la máale djudia de Barselona.
Menorá ke se topa oy endiya en la esnoga Shlomo Ben Adret, del call.

La máale djudia de Barselona (call de Barselona, en lingua katalana) es la parte del aktual Barrio Gótico de Barselona, ande se topava una djuderia. El kazal tenia un estil muy paresido al de otras máales djudias de Katalunya; en la máale se topó una antika esnoga, la kuala es restorada i oy endiya esta aperturada.

La komunita djudia ke bivia enel call fina la revolta antidjudia de 1391, kuando fue destruyida i los ke ayí bivían se tenían ke konvertir al kristianismo para salvar sus vidas. Munchos de eyos desharon el payis, ma otros fueron amortados.[1]

Durante la Operasion Plomo Fondido organisada por el Tsahal enel anyo 2008 en kontro de Hamas, la esnoga del call, enel carrer Marlet, 5, resivió un atako (el segundo en la kapitala katalana) del grup Movimento Sosyal Repuvlikano, el kualo kavzó alkunos danyos, endemas de aharvar a un miembro de la Associació Call de Barcelona ke se topava en la frágua al momento del atako.[2]

Referensias[trocar | editar código]

  1. Historia del call de Barcelona, en la oja de la Associació Call de Barcelona.
  2. Segon atac a una sinagoga de Barcelona en menys d'un mes. Ajensia de Haberes Europa Press

Atamientos eksternos[trocar | editar código]

Commons-logo.svg
Klika akí para ver las imajes de Commons ensima de Call de Barselona.