David Ben Gurion

de Vikipedya, la ansiklopedya líbera
Saltar a: navigación, buxcar
David Ben-Gurion

David Ben-Gurion (en ivrit דָּוִד בֶּן גּוּרִיּוֹן). Líder zionista, djurnalista, politiko i estadista yisraelí era el Primér Ministro de Israel entre los anyos 1948 i 1954 i endemas entre los anyos 1955 i 1963 i uno de los prinsipales bregadores por el establesimiento del Estado djudio. Ben-Gurion deklaró ofisialmente la independensia del Estado de Israel, el 14 de Mayo de 1948.

Chikés i mansevés[trocar | editar código]

David Ben Gurion nasio komo David Grün en la viya de Płońsk, Polonia (para akeyos diyas parte del Imperio Ruso) el 16 de Oktubre de 1886. De chiko fue elevo de un «heder», eskola tradisionala primaria djudia relijioza. Dempues de la muerte de su madre, Sheindl, kuando el tinía 11 anyos, se fue a una eskola fondada por el su padre, Avigdor, kon el kualo ambezó ivrit, sus kreyensias zionistas i sosyalistas. El antisemitizmo ke se bivía en la Evropa Orientala de empesijos del syéklo XX i afitos komo el pogrom de Chisinau de 1903, kriaron influensa en su visyon de vida. Ansina, kuando ainda era un mansevo, fondó endjuntamente kon unos amigos de Płońsk un movimento de mansevos djudios, «Ezra», el kualo ajudava a los mansevos zionistas dezeyozos de azer aliya kon el ambezamiento del ivrit i de lavores del kampo. Kuando tinía 18 anyos se fue a bivir a Varsovia i se izo myembro del partito politiko zionista sosyalista «Po'alei Zion» (en ivrit, "lavorantes zionistas"), razon por la kuala fue yevado a prizión dos veses durante la Revolusion Rusa de 1905. En 1906, de edad de 20 anyos, desidió azer aliya, anke la Tierra Santa ainda se ankontrava basho kontrolo del Imperio Otomano, durante la yamada Sigunda Aliya.


Murio en Sde Boker, Israel, el 1 de Disiembre de 1973.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.