Diada Evropea de la Kultura Djudia

Un artíkolo de la Vikipedya, la ansiklopedya líbera

La Diada Evropea de la Kultura Djudia, se selebra en 30 payizes de la Evropa[1]. El objekto de este diya es, de organisar aktivitades sovre la kultura djudia al publiko, por ke deskuvran muestra erensiya kulturala i istorika[2]. Las aktividaes son koordinadas por la Asosiasiyon Evropea para la Preservasiyon i Promosiyon de la Kultura Djudia (AEPJ), el Konsesho Evropeo de Komunitas Djudias, B'nai B'rith Evropa i la Red de Djuderias de Espanya.

Istorya[trocar | trocar el manadero]

La inisiativa fue inisiada enel anyo 1996 por B'nai B'rith en Strasburgo[3], en la rejion fransesa de Alsasia, déke avian munchos turistas ke kirían ver los lugares kon erensia djudia en la rejion. Enel anyo 2000, se krio una aliansa entre B'nai B'rith, el Konsesho Evropeo de Komunitas Djudias i la Red de Djuderias de Espanya.

Objekto[trocar | trocar el manadero]

El objekto de este diya es, de entrodusir la kultura djudia a la grande sosietad de los payises ande se selebra este evenemento[4], ya kualo konoser la kultura, la tradisiyon i la vida de las komunitas ke biven endjuntos ayuda a konoser al "otro", i de esta manera, enfuertese la komunikasion entre las kulturas del payis.

Aktivitás[trocar | trocar el manadero]

Este diya se organizan egzebisiones, konsertos, paneles, konferansas, i ekskursiones en munchos payises evropeos. Se diskuten temas komo las máales djudias, la konvivensa entre kulturas, egzebisiones sovre skultura, pintura, imprento, musika i objektos djudios.

Diyas de selebrasiyon[trocar | trocar el manadero]

  • 1999: 5 de Septembre
  • 2000: 6 de Septembre
  • 2001: 6 de Septembre - "Djudaismo i las Artes"[5]
  • 2002: 6 de Septembre - "Kalendario Djudio i selebrasiyones en Arte, Musika i Kumida"
  • 2003: 6 de Septembre - "Pesah"
  • 2004: 6 de Septembre - "Djudaismo i Edukasiyon"
  • 2005: 4 de Septembre - "La Erensia de la Kuzina Djudia"
  • 2006: 6 de Septembre - "Las Rutas Evropeas de la Erensia Djudia"
  • 2007: 8 de Septembre - "Testemunyos"
  • 2008: 4 de Septembre - "Musika Djudia"
  • 2009: 6 de Septembre - "Fiestas i Tradisyones Djudias"

Referensias[trocar | trocar el manadero]

  1. Segovia se suma a la celebración del Día Europeo de la Cultura Judía. Djurnal El Adelantado
  2. La Jornada de la Cultura Judía propone viajes a Lucena y Toledo. Djurnal El Día de Córdoba
  3. European Jewish Press
  4. Sesh septembre, el Diya Evropeo de la Kultura Judiya. Djurnal Salom
  5. European Day of Jewish Culture: Themes