Djudaismo ortodokso

Un artíkolo de la Vikipedya, la ansiklopedya líbera
Djudíos ortodoksos kon kipa, talit gadol i tefilin aprontandos para meldar enel kal.

El djudaismo ortodokso es una de las grandes ramas del djudaismo oy endiya, endjuntamente kon el djudaismo konservador o masorti i el djudaismo reformado. Es diferente de estas deke esta bazado en la Alaha. No toene una autoridad sentrala, la kuala aze ke seya variada de akódro kon la komunita.

De akódro kon la su aktitud verso la kultura moderna, el djudaismo ortodokso se topa dividido informalmente en djudaismo ortodokso moderno, el kualo bushka trokar un poko las sus kostumbras ala sosyeté de oy en diya, ma sin trokar el sentralizmo de la Alaha, el sionizmo relijiozo ke lisiona el djudaismo ortodokso kon el zionismo i el djudaismo i los haredim, los kualos no akseptan toda modernitad ke los sus shefes konsideren en kontro de la Tora.

Este partajamiento no fue afiksado fina el syéklo XVIII, kuando por modre de la Askalá, alkunas komunitas bushkaron trokar la relijion i azerla mas "moderna" i tentaron asimilarsen kon el resto del payis ande se topavan, uzando munchas vezes konseptos rasionalistos para trokar las tradisiones i kreyensias relijiozas. La no akseptasion de este movimento, fue lo ke krió el djudaismo ortodokso. [1].

Referensias[trocar | trocar el manadero]

Commons Klika akí para ver las imajes de Commons ensima de Djudaismo ortodokso.
  1. Judaísmo ortodoxo. MediterráneoSur.com