Djudios de Bulgaria

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Sinagoga en Sofia

El empesijo de los djudios de Bulgaria empesa de la Imperio Romano, kuando vinieron aya los Romantiotes. En el tiempo de la sigunda imperia Bulgara le keila tuvo "periodo de oro". I en el tiempo de la Imperio Otomano pujo la keila i se organizo, se enrekesio en el komersyo i kultura.

Se topo trasas de tombas del 2. sieklo al lado del kazal Gigen i Platforma de pasifas antiko, i trasas de una sinagoga en la sivdad antigua en Plavadiv del tiempo de 2. i 4. sieklo ke amostra la existensya de trasas de djudios en el pais. En las excavasiones ke izieron serka de la sivdad Kyustendil se topo trasa de dos sinagogas ke de dize la primera en el 3. sieklo i la sigunda en el 7. Por ke no uvo bastante dinero fue menester de no kontinuar la bushkedad.

Maz djudios vinyeron a Bulgaria de la Evropa en los 14 i 15 sieklos : de Almania i espesyalmente de Bavaria, Bohemia i de Hungaria. La maz muncha djente ke vinyeron a Bulgaria fueron expulsados de Espanya ke toparon refugio en la Imperia Otomana i los Balkanos ke era parte de los Otomanos. En el 1640 aviya en Bulgaria tres kehilas, los Romantiotes, los Eshkenazis i los Sefaradis. Los maz muncho eran los Serfaradis.

En medio del sieklo 19 vino a Bulgaria el movimiento de "La Haskala". Se avio la eskola "Alliance Israélite Universelle" ke auno el estudio i la kultura oeste kon estudio djudio religiozo. El movimiento Zionisto teniya muncha enfluensa, i en el primer kongresso Zionisto ke ocurio en el anyo 1897 partisiparon 3 delegasiones de Bulgaria. Kon el ayudo de unos kuantos politicanos i personas bravas de la eglisia se salvaron de la Shoa 48000 djudios sitizenos de Bulgaria. El kavo de 11,343 djudios de Trakya i de Makedonia era difirente, eyos fueron pasados a las manos de los Bulgaros de parte de los Nazistos. Eyos fueron expulsados a los kampos de konsantrasion kon el order del rey Boris III, i fueron matados todos. Kuando eskapo la sigunda guerra mondiala en 1945, biviyan en Bulgaria 49,000 djudios, entre eyos 40,000 djudios emigraron a Israel en los anyos 1948 – 1950. En Israel se ajuntaron a la populasion israelit en todo modo de activita empesando de ovras parlamentarias, offisios liberos fina al teatro, muzika i literatura. En el anyo 2011 kedaron en Bulgaria kaji 4,000 djudios, la meatad de esto en Sofia.

La estoria antigua de la keila

Del tiempo de la Imperia Romana fina la Bizantina

El primer temonio eskrito ke amostra la existensia de los djudios en Bulgaria de oy, es la antigua eskriturya en Latino ke aparese el nombre de Yossi, el grande del sinagoga (archisynagogos Joseph), i Menora del 2 sikelo. La enscripsion se topo en la sivdad Grega antika Oescus – oy en diya es kazal Gigen al lado de la sivdad Nikopol, ke era un kazal Romanezo, en el bodre norte de Bulgaria de oy, al lado del ponte enriva de la Danuba ke pasa a Romania. El estorion Shlomo Avraham Rosanis ke eskrivio al djudaizmo en Bulgaria dize en suz eskriturias, ke los djudios vinyeron a Trakia (oy Bulgaria) en el tiempo del Bait Rishon, pero no se topo eskriturias o temonios arkeologikos para afirmar suz eskritas.

La proxima ves ke la existensia de los djudios del Balkan fue nombrada es en el orden del Emperator Romano Teodosio I (346–395) el emperator de alkavo de la Imperia Romana del anyo 379. En el orden uvo eskrito ala expulsion de los djudios i derokamiento de sinagogas en el region Iliria – en el parte oeste del Balkan i en el bodre este del mar Adriatiko – i Trakia – ke es en el norte-este de la peninsula Balkana. La versia de "Otzar Israel" ez differente, en le norte los djudios fueron persegidos, pero en el reinado fue dicho de no deranjar a los djudios ni tokar a la sinagogas.

Laz aparensyas de la vida de los djudyos en el komando de la Imperia Bizantina son muy pokos, i ay dizientes ke los djudyos fueron amenazados sin kedar. El rey Pukas 602-610 ordeno de ovligar a todos los djudios de konvertirsen al kristianizmo.

Laz aparensyas de la vida de los djudyos en el komando de la Imperia Bizantina son muy pokos, i ay dizientes ke los djudyos fueron amenazados sin kedar. El rey Pukas 602-610 ordeno de ovligar a todos los djudios de konvertirsen al kristianizmo. En el tiempo de las Krusatas en el periodo de Alexios Komnenos, uzavan loz bizantinos en una forma de pasensia para laz kehilas djudiaz, porke i eyos odyavan a los enimigos krusiferos. En el tiempo de la Imperia Latina loz djudios sufieron de mal tratamyento de parte del governo.

En una epoka en esta region komandavan el puevlo antiko, los Avaros. Pero, por esta epoka se topo pokos temonios, solo se pudo entender ke aun el peuvlo ke biviyan aya, loz djudios rezervadion suz leyes i no abandonaron suz tieras.

La Imperia Bulgara I

En el anyo 681 dospez ke se fondo la primera Imperia Bulgara, los djudios ke fuyeron de la Imperia Bizantiana se aresentadon en Bulgaria. El rey Leo III de la Imperia Bizantina (717-741) arondjo djudios a la Buligaria.

En el tiempo del rey Boris I (889-852) desidieron loz bulgaros a trokar su religion Monoteizmo, eyos kreiyan a los idolos. Entre esto uvo ken kijo ser djudio . Pero en el tiempo de 9. sieklo se konvertieron a kristianizmo Ortodoks. Munchos nombres de la famiya ruayal de Bulgaria Comitopuli (1016-976) eran de rasa djudios Samuel, Moshe i David, ke amostra ala enfluensa de la Tora.

Se dize ke en el 7 sieklo mekaderez djudios de Bulgariya, arivaron al reynado de los Kuzarim, i de este renkotro aresivieron los Kuzarim la ley de Moshe.

Ay dizientes ke el crisianizmo Bulgaro era emprimero mesklado de tres leyes, komo crisianizmo, djudaismo i kreyer en los idolos. Exempio de esta meskla de leyes se puede ver en las demandas ke fueron embiyadas al Papa Nikolas I el grande (867-858) komo:

1. Komo se komporta kon el primer fruto.
2. Ke dia sera de repozo, Shabat o Alhad.
3. Ke animal es permetido para komer.

En el anyo 863, en el tiempo del cezar bizantino Michael III, fue embiyado en monakato para aboltar la religion Slava al Cristianizmo. El entro a la kehila djudia i uzo el alfabet Ebreo para tranladar el Tanach a la lingua slava.

En el anyo 967, djudios de la republika Ragusa i de Italia se aresentadon en la sivdad Nikopol. A los djudios de Ragusa les permetyeron a komersiar kon el reynado Bulgaro II, del parte del Char Ivan Asen II. En los diyas de las Krusadas vinyeron djudios a esta sivdad, al bodre del mar Adriatiko. El kazal de los djudios era antiguo i uzavan a meldar le Megila de Ester en los dos diyas de Purim a la nombradia vieja de la kehila. Ay evidensyas ke de esta sivdad salyo un Haham djudio Tuvia Ben Eliezer.

Nastor, ke eskrivio livro de istoria de los Slavos Orientales, dize ke en el anyo 1120 aprovaron djudios de Bulgaria i los Kurazim a konvertir a Prens de Kiev, Vladimir I, al djudaizmo. I el no aksepto diziendo ke los djudios no tienen patria.

La Imperia Bulgara II

En esta epoka komandava el rey Ivan Asan II 1218-1241. El afefior Gregorios IX eskrivio al rey keshandose ke el rey Asan II estava aresiviendo a los eskrivanos djudios kompletamente liberos en su reynado en la sivdad Ternovo. I aparte de esto se topo eskritas i tombas kon nombres de famiyas djudias . El Tsar Ivan Aleksander reyno en los anyos 1331-1371 se kazo kon una mujer djudia de Ternovo en el 1346 ke se yamava Sara, ke kon el tyempo se konvertio al cristianizmo, se izo la reyno Teodora i tuvo muncha enfluensa en el reynado le dyeron el titolo de komandadera de los Bulgaros i los Gregos.

La reyna protejo a los djudios i eyos tenian derechos uguales komo los Bulgaros. Eya bivio munchos anyos i vido komo kayo la Imperia Bulgara. Pero sus rekuerdos kedaron en las kantikas del puevlo ke se deskuvrieron en Ingilterra en el 1848 una parte de eyos del anyo 1356. El ijo fue el Tsar Ivan Shishman.

En el anyo 1352 la eglisia ordeno de enharemar a los ke no kreyiyan a la ley.Tres djudios fueron matados de parte del puevlo, aunke el tsar ordeno de pardunarlos. En el anyo 1366 los djudios fueron arondjados de Hungaria i los aresivieron en Bulgaria. Eyoz izieron una keila eshkenazi libre, i desidieron ken va vinir a la sivdad no se va pueder kazar kon una sivdadina, si dospuez de tres anyos se va saver si no ez kazado kon otra. Entre los ke vinieron aviya una famiya del rav Shalom Menistat, ke fondo un a yeshiva en la sivdad Torno, i el elevo rabi Dosa el grego. Unos de los expulsados ke vinieron alas keilas vyejas fueron yamados los Hungaros (Magiar) de parte de los djudyos del lugar i ansina salyo la alkunya Megar entre el puevlo ke vinieron de Bulgaria.

En el komando de los Otomanos

En el 1393 kayo la sivdad Veliko Tamovo a la mano de la Imperia Otomana. Los djudios de la sivdad ke eran fideles a los Bulgaros fueron aronchados de la sivdad. En esta sivdad existe un lugar yamado el simiterio de los djudyos. La konkista de la Bulgaria de parte de los Otomanos se kompleto en el anyo 1396 i kontinuo fina el 19. sieklo.

La sivdad Nikopol se kontava el sentro emportente de los djudios. Pero avia i en otras sivdades keilas djudias komo Sofia, Palben, Plovadiv,Vizin, Silistra, Yambol, Sastra i Zagura.

En el 1470 arivaron a Bulgaria djudios ke fueron aronchados de Bavaria. La lingua era una antika version de Yidish se oyiya en las kazaz de Sofia. Fraguaron una sinagoga indipendiente. Fue emprimado un livro espesyal forma eshkenaz en Salonik en el 1548-1550 de parte del Rabi Binyamin Alevi, ke era el rav de la keila eshkenaz.

En el 1494 arivaron a Bulgaria djudios expulsados de Espania. Eyos arivaron a Selanik por Makedonya Italya, Ragoza i Bosnia. La vida de los djudios en la Imperia Otomana fue en unas kuantas kondisionez. En los sieklos 14-15 emigraron djudios eshkenaziz del norte a la Imperia mueva. En el kavo del 15. sieklo arivaron a la Imperia djudios de Espanya i despuez de eyoz vinieron los anusim de Potugal i sus kriyos, ke se aresentaron lo maz parte en Salonik, Estanbol i Israel. Pero se aresentaron i en otras sivdades del Balkan i en todas las sivdades de Bulgaria Komo eran munchos izieron trokamyento en la keilas. Los djudios se mesklaron en la Imperia i izieron donos para adelantar la komunita.

En el 1500 biviyan en la sivdad Sofia una famiya famoza nombrada Rufus. Kon el tyempo el nombre se troko a Robisa. Fina el anyo 1640 en Sofya aviya tres keilot apartadas. Los Romantiotes, los eshkenazis i los sefaradim. Para todos aviya solo un rav. El Rav Levi B. Habib ke biviya en Pleven.

En el 17. sieklo los partidos de Sabetay Tzvi vinieron a Bulgaria. En esto colaboraron Natan Aazati i Samuel Primo.

Emportante sentro de la merkanseria djudia era en la sivdad Pazardicik. Los merkaderes djudyos de la sivdad se okuparon kon la merkanseriya entre la Imperia Otomana i el Reynado Velakya Moldovya, Dubrovnik i Venezia. En la sivdad aviya un merkado de vistimyentas en la kuala se okupavan kon ropas ke trayiyan de Salonik. Merkaderes djudios tambien tomaron parte en los alevantamiento kontra los Turkos en el 1688. En la sivdad Samokov los djudios eran patrones de minas i de echos de kuero. Entre los djudios aviya un personaje konosido yamado Bakish ke fondo la forma de las paras en la Imperia Otomana.

Ay dizientes ke entre los djudios en el 18. sieklo uvo dezavinimiento entre el Sultan i el vali de Bulgaria. Para azerse pas el Pasha embiyo una espada presioza al sultan. Kuando los ayudantes del Sultan kontrolaron la espada vyeron ke aviya tosigo. Esto fue echo de parte del doktor i el farmasien del vali ke era djudio. I por esto akuzaron a los djudios por atentar a entosegar al Sultan. I iva ser una matansa para los djudios, en el kavo uvo nes i se salvaron. El diya apropriado para la matansa era noche de purim. La data ke fiestaron los djudios la salvasion de munchos anyos dospes.

La batalya Otomana i Rusya 1877-1878 i la endependensia de Bulgaria.

La kayida de los Otomanos i la gerre de endependensia de Bulgaria.

En el empesijo del 19. sieklo la keila djudia empeso a eskayer komo kayeron los Otomanos de fuersa. Los djudios se okuparon kon merkanseria, i mumchos eran muy proves. Los paises Balkanos fueron okupados de parte de la Rusia i de las manos de los Otomanos en la gerra 1877-1878. Los djudios no saviyan a ke parte pasar, estar konfiyentes a los Otomanos o al diktator muevo Bulgaro ke era apoyado de parte de la Rusia. Munchos pasaron a la parte Otomana de este Romelia. Los Bulgaros vyeron a los djudios fideles a los Otomanos i por esto fueron arebashados de parte de los sivdadinos. En la sivdad Kazanlik aharvaron i maltrataron a los djudios i mataron munchos djudios a las mujeres i a los ijas.

En el 1878 los Otomanos se travaron de Sofia. En la sivdad uvo rovos, i matansinas. Los djudios isieron una kompaniya para amatar el fuego i salvaron los bienes del puevlo. El Rav de la sivdad Gabriel Mercado Almosnino aresivio al General Ruso ke vinp a la sivdad. i a otras sivdades komo Vidin, Kazanlik i Sevislotov, los djudios fueron ovligados de deshar la sivdad i arivaron a Edirne i Konstantinopoli. Kuando vino la fuersa Rusa a la sivdad Stara Zagura en el 1877 empesaron matansinas al puevlo de la sivdad, en kualo fueron matados dyezenas de djudios i aparte de esto kemaron la sinagoga. Los djudios abandonaron la sivdad. Dospues de la gerra de la endependensia de la Bulgaria en el anyo 1878 empesaron rumores en Bulgaria diziendo ke los fuegos ke uvo i ke undyo la sivdad dospues de la gerra fueron kavzados de parte de los djudios, ke se izieron a la una kon los soldados Otomanos. En la sivdad Pazardicik el puevlo ke bivia aya se vengo de la keila djudia ke eran komo 1000 personas. Ay dizientes ke atakaron a los djudios en el periodo ke governavan las fuersas Rusas en la sivdad. I dospuez de la endependensia uvo munchos kavzoz de antesimitizmo , pero el governo peno para ke no ayga danyo a los djudios, i ansina fue i en la sivdad Pleven.

En la sivdad Vidin uvo munchos danios a los djudios del bombardeamyento de la armada Rusa i kavzoz de rovo de los soldados Otomanos ke se estavan fuyendo. Kon esto miles de djudios desharon el lugar i se fuyeron a Estanbol kon la armada Otomana.

En el 13 de Yulio 1878 s en el kongreso de Berlin se fondo el Principado de Bulgaria. I esto les dyo a los djudios derechos ugual komo de los Bulgaros. En el 1879 uvo una assmblea en la sivdad Tirnova ke era la kapitala vyeja. Entre los ke se eskojeron estava el Rav Almozlino i se konosyo a los djudios derechos uguales kon los sivdadinos. En akel anyo Aleksander Batenberg se izo Prens Bulgaro.

Principado Bulgaro libero

En el 1880 izieron una komunita djudia en la kuala se eskojo un komite para arekojer dasio del puevlo, i kon esto avrir eskolas partikular . El governo pago mezada al rav de Sofia 10,000 frankos al mez. El primer Rav era el Rav Almozlino dospues de el el Rav Moshe Tagir ke eskrivyo livro para los ke estan kontra del Talmud. En el 1886 se eskojo el Rav Dr Zankovich, 1891 el Rav Grinvald, en el 1895 fina el empesijo del 20. sieklo el Rav Mordehai Earpriz. I el Bron Hirsh. De kol Israel Haverim, i los djudios de la evropa i de Amerika izieron donos para los djudios de Bulgaria. Kon esto pudieron bivir fina ke vino la pas a la sivdad.

Dospues ke eskapo la gerra la situasion se troko kontra los djudios de parte del governo komo era en el tiempo de los Otomanos. Aforsaron a los djudios a avrir las botikas en diya de shabat, i serrar en diya de alhad, komo ez en los hrisianos. Si el komersio no estava bueno los akuzaron a los djudios por esto. Pujo el antesimitizmo, i matansinaz. Loz djudios no teniyan libertad en nada. No fueron aresividos a la akademia de la armada komo empiegdos en las bankas del governo. Kontra de esto los djudios kitaron gazeta. Kuando eskapo el antesimitizmi i la gazeta no salyo maz.

En el 1885 en la gera Serbia i Bulgara por primera vez tomaron i soldados djudios. Entre eyos aviya Moshe Nerti (Filipopoli) el Kolonel Morino Graziani (Shumale) i Avram Israel Ripis Rusnok. Esto kontinuo i en la primera gerra Mondial. En la gerra sirvieron i medikos djudios. Dospues de la gerra los Bulgaros vieron ke los djudios son fideles al governo. Empesaron a lavorar en los postos de la munisipalidad. Aun esto en el parlamento no aviya djudios porke eran pokos. En el 1890 se eskojo un djudio komo delegado Navi. De la sivdad Robrig, era poderozo, patron de tyerras. Pero dospues no lo kijeron porke era nasido de Rusia. El puevlo no era liberal para los djudios. No los desharon merkar ni tyerras. Uvo danyos de matamsinas. Dospues de la gerra demisiono el prens Batenberg. En su lugar paso el prens Ferdinand el I.

En el 19. sieklo en el anyo 1900 empeso el tsionizmo en Bulgaria, empesaron a aunarsen los djudios para emiograr a tsion. La unyon "Agudat Ahim le yishuv Erets Israel" arivaron en el empesijo del 1895 a Israel. Les dieron tyerras en Ardov. Dospuez del pakto kon la mission se merko el lugar. En disiembre 1895 en el syeten diya de Hanuka vinieron a este lugar los moradorez primeros a la kaza de misson En Bulgariya se eskrivyeron sesenta famiyas para emigrar a Israel arivaron 12 famiyas komo sembol de los 12 shevatim. Aparte de esto uvo mas famiyas ke vinieron i se aresentaron en Horan. Los ke vinieron maz dospues fueron los emigrantes de Bulgariya ke fondaron Yavniel i Kfar Hitim.

En el 17 de Yunio 1896 vino a Bulgaria el Dr. Binyamin Zeev Herzl para adelantar la idea del zionnizm en el kamino a Estanbul. Los djudios lo aresivieron kon entuziazmo . Kuando torno de Estanbol i vino a Sofia, se lo yevaron ala keila santrala, aya deskorso en Fransez i fue transladado a Ladino de parte de uno de la sivdad. En el 29 disiembre 1898 se avyo en Plovadiv la primera assamblea sionista i kon esto se eskojo una assamblea de la Histadrut zionit en Bulgaria.

En el empesijo del 20. sieklo 34 kazales estavan eskritos komo una keila organizada en Sofia i enmaz sivdades. En kuatro de eyas aviya sinagogas ke orasionaron al uzo Eshkenazi. Komo Varna, Sofia i Silistra. La keila la mas grande era en Sofia de 8000 personaz.

La gerra del Balkan I i II

En el 8 Oktobre 1912 fina 18 yulio 1913 kontinuo la primera gerra del Balkan i la sigunda. En la gerra tomaron kaji a todos los ombres djudios a la armada Bulgara. Los djudios se fueron a la armada partisiparon en las gerras i fueron alavados de parte de los ofisiales i de parte de los lavorantes del governo. La armada Bulgara se apatrono de Edirne por un poko de tyempo. Syenes de djudios ke biviyan en Edirne achakes de las batalyas ke avia aya se fuyeron a Sofia, i Plovdiv. El puevlo ke biviya aya miraron de alivyanar la situasion de los emigrantes. A Plovdiv vinieron i moradores ke biviyan en Trakya de los Gregos, ke peryeron sus suditansas. Unos de eyos parvinieron a tomar pasaporto Nansen, ke kon tyempo no teniya mas velor. Unos kuantos de los djudios parvinieron a merkar suditansa Bulgara, pero otros ke perdiyeron todos sus bienes no pudieron merkar suditansa i se kedaron sin nada.

El rejim liberal de Ferdinand el I permetio de aresivir munchos djudios a las eskolas de la armada, i munchos de eyos se izieron ofisiales. Entre eyos aviya el Kolonel Moshonov Rahamim, Graziani Morano, i Avraam Tager. Kon el tyempo se izieron lideres de la keila djudia de Bulgaria. En la gerra del Balkan muryeron 277 djudios, 3 de eyos ofisiales. Kon esto los Bulgaron apresyaron muncho a los djudios i tuvieron konfiensa en eyos.

La primera gerra Mondial en Bulgaria

En la primera gerra mondial murieron 714 djudios de la keila entre eyos 28 ofisiales. Los Bulgaros peryeron muncho en la gerra, i Ferdidand el I fue aforsado de deshar el posto. En su lugar paso el Rey Boris III. La mala situasion finansiaria danyo muncho a los djudios, i empesaron a pasar a Sofia.

El djudaizmo en Bulgaria en la sigunda gerra mondial

En el 20. sieklo en el anyo 1930 los Bulgaros se aserkaron a los Almanes. I los fashistos se izieron popular kuando empesaron a dar atras laz tyerras ke les tomaron en la primera gerra del Balkan. I kon esto la komunita apoyo el rejim nazisto antesimito. En este tyempo el rey Boris III komandava en Bulgaria, era de famiya Almana i era de sus partes. En el 20 de Septiembre 1939 rompieron ventanas de botikas de los djudios en el sentro de Sofia. Ni la komunita ke prezentava a los djudios de Sofia no pudo azer nada porke la polisia no se mesklo en nada.

Expulsar los djudios kon suditansa ajena en septiembre 1939

Kuando empeso la sigunda gerra mondial empesaron a maltratar a los djudios de Bulgaria kon suditansa etranjera, o ke no tenian dinguna suditansa. Los djudios ke teniyan suditansa etrangera en el anyo 1939 eran kaji 4000 personaz. En el 16 septiembre 1939 el grande de la polisia el Kolonel Atanas Pantev dio orden a todos los ke teniyan suditansa etrangera ke salgan del pais. Los ke salyeron de la Trakya Grega i Turka no fueron aresividos a la Bulgaria. Munchas famiyas djudias fueron trayidos al frontera Grega i Turka i fueron ovligados a pasar la frontera. Los ke biviyan aya no los desharon pasar. Ansina ke los djudios kedaron entre los dos paises i fueron maltratados de parte de la polisia del la frontera. Kuando el Kolonel Pantev vido ke no se esta puedyendo eskabuyir de los djudios, ordeno de mandarlos a Varna ke sivdad de porto, kon idea de suvirlos a los vapores de maapilim ke estavan yevando emigrantes de Ungaria a Israel. Ay evidensas ke los bienes de los ke fueron aroncados fueron tomados de parte de polises Bulgaros en Plovdiv. I ay evidensias ke uvo matasinas de parte de los polises del la frontiera, i de parte de los Turkos.

La keila djudia de Sofia se adreso munchas vezez al governo Bulgaro, pago kada ves dinero, kon el ayudo de la organizasion Joint, i los delegados del governo arogavan al governo Turko ke embiyara a los djudios a la tyerra Bulgara. Los ke fueron aroncados de Varna arivaron a Israel kon organizasion i kon vapores espesiales. Entre los organizatores estava el dr. Baruh Konfino, maz despuez uzaron el vapor Rodnichar i mas dospuez merko el vapor Salvador ke termino kon dezastre. En el 1940 de disiembre el vapor se undio en frente del frontiera de Turkiya i la mas parte de los viyajadores se aogaron. Otras organizasiones se okuparon kon merkar vapores. La organizasion revizionista i el partido (baale batim) patronez de kaza merko el vapor Tripoli ke viyajo kon 700 fuyidos. El governo Bulgaro anunsio a Almanya ke no se oppoza ke los djudios kon suditansa Bulgara ke se topavan en sivdades Evropeas debasho del komando Nazisto fueron aroncados al oeste en el 1941. Dospues ke okupo el Alman a Yugoslavya apanyaron 100 feugiados djudios ke no teniyan suditansa Yugoslava i otros 200 djudios kon suditansas de otros paizes fueron aprezados unos kuantos mezes en la sivdad Igenteybo.

La expulsion de los djudios de Trakya, Makedonia i Pirot

En el 22 Febrero 1943 afirmo Alexander Belev en nombre del governo Bulgaro a un kontrato sekreto kon Teodor Danker de parte de la Almanya Nazista de aroncar a 20,000 djudios ke se topavan en la mano de los Bulgaros a lugares de los Almanes en el oeste. 11,343 djudios de Trakya i Makedonia i 188 djudios de Pirot. A estos los defendio la suditansa Bulgara kon una ley ke ordeno a los primeros aroncados. Kon este kontrato la Bulgaria tomo ensima todos los gastes ke va aver en kavzo de aroncar a los djudios i pagar a la Almanya por kada djudio ke va ser aroncado. La intision de Belev era kompletar la kantidad de los djudios ke van a ser embiyados de Bulgaria. Izieron listas kon nombres de 2,000 djudios ke biviyan serka de Makedonia. Entre eyos aparejaron 6,000 nombres de djudios poderosos de Bulgaria. Estas lista se aparejaron en sekreto, porke las delegasiones del governo no estavan dakordo, ni el puevlo Bulgaro tambien. Dospues de la konversasionez se desidio de embiyar 5,000 kreaturas a Israel, esto se kumplio a kavza de Adolf Ayihman.

En el 4 de Marso 1943 los soldados i los polizes izieron aksion en toda la Trakya, en la sivdad Skopia en Makedonia. En el 11 de marso en Pirot, ke oy es en Serbia, embiyaron a los djudios a los kampo de konsantrasion Treblinka. La ekspulsion se izo de parte de polises Bulgaros, ke los aharvaron i les tomaron todos los bienez. Arekojeron a los djudios en eskolas i depos de tutun.

En Yaar Yaadut Bulgaro, serka del yaar Haruvit, se topa un monumento al recordo de los djudios de Bulgaria.

Los trenos pasavan por kampos ande estavan lovorando los djudios por fuersa, se enkantaron de ver la desgrasia. Muncho korieron para echar komanya a los vagones. En este tiempo vino notisyas a Bulgaria ke en la Evropa estan matando muncho djudios, kuando vieron los djudios ke estavan lavorando en los kampos los trenso ke pasavan avagar, i entendieron los gritos ke disheron en Ladino, i entedieron la desgrasia. Entre los djudios de Makedonia salvaron 196 personas, i entre los djudios de Trakya salvaron manko de 100 personas.

Nes en los djudios de Bulgaria. Akontesimientos 9-10 Marso 1943

En el 6 de marso kaminaron los polises en las kazaz de los djudios en las sivdades de Bulgaria para azer listas de los djudios ke van a ser aroncados. Kontaron 6365 djudios de diferente sivdades ke van a ser aroncados. I la noche del 13 de Marso 2500 djudios de Sofia estavan para aroncar.

Afilu ke todo estava en sekreto en la keila se supo ke van a aroncar a los djudios. Uno de los lideres dela keila ke era i amigo del visprezidente del Parlamento Dimitri Pashav le konto ke van a aroncar a los djudios. Dimitri arekojo a todos los miembros del parlamento ke estavan kontra de aroncar a los djudios i al ministro de los echos etranjeros Gavrovski, ke era el patron de Balev. I kon su ayudo parvinyeron a anular el aroncamiento ke iva ser en el 10 de Marso 1943 ala demanyana.

En Plovdiv izieron axion. Se arekojeron todos los sivdadinos en el kortijo de una eskola i estuvieron asperando al orden. Demanyana vino el orden de anular de aroncar a los djudios.

Dospuez de esto se arekojeron munchas personaz ke teniyan el ayudo del governo i ordenaron de trokar el komporto kontra los djudios i no aroncarlos. Kon esto kitaron a Dimitri Pashav del posto de visprezidente del parlamento. En el 1973 resivio Pashav el titolo de Hasid Umot Aolam. I la eglisia estava de parte de los djudios. En el 1940 salyo una ley ke aliviano la vida de los djudios. En el marso 1943 kuando se supo del plan de espulsar a los djudios se renkontro el Metropolit Stefan kon el rey i lo aforso a kanselar la expulsion i lo amenazo en kavzo ke este plano se va afirmar el va ordenar a avrir todos los konventos para aresivir a los refugidos djudios. I en la sivdad Plovdiv se izo el mezmo akto de parte de el Metropolit Kiril.

La expulsion a las sivdades del terreno en los mezez Mai i Yulio 1943 i la muerte del Rey Boris III

En nisan 1943 El Synod desidio una desizion ke ordeno le eglisia i el crisianizmo es kontra de amenazar a los djudios. En el kavo de avril 1943 se rankontro el Rey Boris kon Ribentrop en Berlin i desidio ke los djudios de Sofia van a ser aroncados a los kazales i a sivdades leshanaz, i esto era antes ke fueran aroncados los djudios a los kampos de konsantrasion. Ansina desidio el rey de aranjar las kozas entre la Almania i la Bulgaria por el plano de expulsar a los djudios a los kampos de konsantrasion.

En el 26 de mayo la expulsion se izo komo fue planeada, solo ke la expulsion a los kampos fue anulada munchas vezes, fina ke se anulo por entero. Kon esto i en otras sivdades fueron expulsados munchos djudios. En el 17 de Yunio 1943 fueron aroncados los djudios de Varna i de Burgaz. En el empesijo de Yulio 1943 fueron aprezados 500 djudios. En el Setiembre 1944 lo mas de los aroncados fueron liberados a kavzo ke la Bulgaria fue okupada de parte de los Rusos.

Los djudios ke fueron expulsados a los kazales vinieron kon sus ropas, ke les permetieron fina 20 kg. para kada persona. Teniyan de pensar a suz mantenimiento. Munchos de eyos no tuvieron lavorado en sus vidas en echos duros, o en las tyerras. Asigun las evidensias entre los ke salyeron de Bulgaria aviya ke sufriyeron de ambre, pero no uvo muertos entre eyos. Dospuez de la muerte de el rey Boris para los djudios no uvo mas expulsiones.

La fondasion de la Estado de Israel

El 15 mayo 1948 el diya de la liberasion fue un diya de fiesta para todos los djudios, en las kayes estuvieron baylando i kantando, kon bandieras fina amedya noche sin ke fueran deranjados de parte del governo. I dospues empesaron los djudios de Bulgaria a emigrar a Israel. Una kompanya de vapores le dyo un vapor ala sohnut para ke pudan embiyar buena kantidad de djudios. El governo Bulgaro aresivio paras para kada djudio ke emigro a Israel, estas paras fueron dadas de parte del Joint.

Fina el anyo 1949 suvieron a Israel 45000 ente los 50000 djudios de Bulgaria. Los djudios se aresentaron en las sivdades Yafo, Lud, Ramle, en los kibutzim i en otros moshaves en Israel. En la gerra de la Endependensia murieron 60 soldados de los emigrantes Bulgaros. En el anyo 1956 kedo de vinir emigrantes a Israel.

Entre los djudios de Bulgaria uvo ken se izo miembro del governo komo Binyamin Arditi, Viktor Shemtov, Emanuel Zisman. Uvo ken entro a la armada komo el general Yaakov Peri, doktores i otros ofisios liberos. En el 1949 fondaron la kompania de futbol Makabi Yafo. El ke ayudo en la fondasion fue el Rav Avraam Behar.

Kultura i arte

En el 22 septiembre 1909 fondo el koro de los djudios de Sofia ke kon el tiempo se yamo el koro Tsadikov. En el 1910 el koro lo dirijo Moshe Tsadikov, i en el empesijo del anyo 1920 aviya 120 personas en el koro ke kon tyempo fue el koro nasional. En el empesijo del los anyos de 1950 dospuez de la emigrasion de los djudios se renuvelo la ovra del koro kon la partisipasion de Itshak Graziani . Kon la reushita del koro se fondaron otros koros en otras sivdades komo Plovdiv i Rasa. Aparte de esto se fondo una orkestra sinfonia i se dio konsertos para todo el puevlo.

Dospues de la emigrasion a Israel se kontinuo la kultura i entre la sigunda generasion. Entre los artistos ke vinieron de Bulgaria ay artistos nombrados komo Avner Heskiya, Albert Kohen Nisim Azikri, Moni Moshonov i el eskrivano Mordehai Avishai el poeta Israel Pinkas i maz .

Los djudios de Bulgaria en estos diyas

Dospues ke entraron los komunistos al governo Bulgaro el komporto de la patriya se troko. No les dyeron libertad a los djudios komo era antes. El Rav Dr. Asher Hananel ensistyo a kontinuar las orasiones en Sofya komo antes. El fue aprezado munchas vezes i fue akuzado kon rovos de las paras del puevlo. En el 1961 lo aprezaron de muevo por unos kuantos mezes sin ser djuzgado. Esto se supo en el mundo i aforsaron al governo Bulgaro para ke lo deshen libero, ma esto no valio para nada. El Rav Hananel se djuzgo i fue aprezado por tres anyos i medio. En prezo empeso a kayer de su salud aforsaron al governo para ke lo djuzgen otruna vez. I lo desharon libero. En el anyo 1964 se murio en Sofya.

En el 1989 dospues ke kayo el rejim komunisto empesaron a emigrar a Israel komo 3000 personas, los ke kedaron aprovaron a enderechar los sinagoges ke kedaron, i todas las organizasiones ke aviya en Sofya i Plovdiv. Se dize ke en el anyo 2009 en Bulgariya aviya entre 5000 o 6000 djudios. La meatad de eyos biven en Sofia 500 en Plovdiv. En estas sivdades se topan 2 sinagogas.

En el kavo del 2008 se dize ke en Bulgaria ay 6000 la mas parte en la kapitala i mas pokos en 19 keilot. El sinagog de Sofia es avierto, i los shabates se orasiona. I kada diya orasiones de Shaharit. Existe una kaza de repozo djudio i kasher. Una gazeta sale una ves alas dos semanas. En la eskola se estudia djudaismo. El Rav a Rashi ez el Rav Behar Kahalon, ke es ayudado de parte del Joint. El sinagog de Varna se derroko, el sinagog de Burgaz se izo galeria, i en las otras sivdades no se estan uzando los sinagogas. La organizasion Habad avio la primera sukursala en Sofia la kapitala de Bulgaria en el anyo 2001.

Oy endiya ay kazas de Habad en Sofia, Burgaz i Varna ke sierven al puevlo de aya i a los turistos djudios. En el mez de Tamuz 2001 se avio en Sofia un Mikva Teara. I en esta okazion vino el Rav arashi de Israel Shlomo Moshe Amar. Esto fue la primera vijita del Rav Arashi de Israel en Bulgaria.

Demografia