ETR 500

Un artíkolo de la Vikipedya, la ansiklopedya líbera
Un treno ETR 500 en la estasion Venezia-Santa Lucia / Djulio de 2007

El ETR 500 es el primér treno de alto prestor con sentro de gravita no pendulante konstryuido en Italia. El proyekto nase en la dekada de 1980 y “ve la luz” en la dekada de 1990 con la produksiyon en serie I el su uzo por parte de Trenitalia.

Jeneralitas[trocar | trocar el manadero]

Fue dezvelopado i konstruyido por el konsorsio TREVI (TREni Veloci Italiani / Trenos Prestos Italianos) , ke es la asosiasyon de Ansaldo, Breda, ABB Tecnomasio, FIAT Ferroviaria i Firema. La fase de proyekto de este treno iva estar rodeada de eskandalos relasionados a la yamada Tangentopoli.

Este treno no tiene sentro de graveta pendulante komo los “Pendolinos” ya ke la red de alto prestor en uzo i en konstruksiyon no tiene kurvas kon radios redusidos. Endemas komo la red de alto prestor italiana viaja una grande parte en tunel, los ETR 500 tienen un profil aerodinamiko para redusir el tróko de presiyon al ingresar a los mismos.

Aktualita[trocar | trocar el manadero]

Oy endia en Italia egzisten 57 trenos ETR 500 en servisio los kualos superan los 300 km/o. Son uzados en los servisios ke komersialmente se yaman Eurostar Italia. Los trenos má resientemente konstruyidos son multitensiyon, kon la kapazita de viajar lineas de alto prestor de 25 kV en korriente alterna i en lineas tradisyonales de 3 kV en korriente kontinua.

Un ETR 500 tiene el aktual enrejistro italiano de prestor en trenos kon 352,026 km/o alkansado kon el treno eksperimentalo ETRY500-2 en la linea Torino-Novara-Milano el 25 de Mayo del anyo 2006.

Shukur al fraguamiento de las lineas de alto prestor Torino-Milano-Verona-Venezia i Milano-Bolonya-Florensia-Roma, i kon la entrada en servisio de la linea de alto prestor Roma-Napoli en Diziembro de 2005 los trenos ETR 500 van poder dezvelopar toda la su kapasita.

Ver endemas[trocar | trocar el manadero]