Esnoga Ades

de Vikipedya, la ansiklopedya líbera
Saltar a: navigación, buxcar
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La esnoga se topa entre las kalejas Shilo i Bezalel.

La Sinagoga Ades, (en ivrit: בית הכנסת עדס), endemas yamada komo La Gran Esnoga Ades de la Glorioza Komunita de Aleppo, se topa en la maale Nahlaot de Yerushalayim; fue fondada por olim halabim en 1901. Esta konsiderada el sentro de la hazzanut halabi en Israel.

Orijin[trocar | editar código]

A la fin del syeklo XX, munchos integrantes de la komunita djudia de Surya eskaparon de ayi, fuyendo del antisemitizmo i endemas de la krisa ekonomika ke arivo diskues de ke el Imperio Otomano fuese amatado. Mientres ke munchos arivaron a Inglaterra, Estados Unidos o Amerika Latina, alkunas famiyas se dechidieron yegar a Tierra Santa. La majorita de los miembros de la komunita eran lavorantes, merkaderes o tinian butikas.

Diskues de unas anyadas, la esnoga era establesida ofisyalmente enel anyo de 1901 por la komunita arivada de Aleppo, Siria. Es yamada en onor de dos primos ke dieron las sus paras para fraguarla: Ovadia Yoshiahu Ades i Yosef Yits.hak Ades.[1] Yosef Ades era un ombre kom munchas paras, konosido enel govierno Otomano i endemas azia parte del Konsejo de la sivdad de Yerushalayim. La mueva fragua de la esnoga esta disenyada kon el buto de ser una referensia en la maale i de la maale; para su momento, era una de las mas ermozas esnogas de la sivdad. Anke fraguada fuerte, la esnoga aresivio danyos durante la Primera Gerra Mondiala i durante la Guerra de Independensia de Israel. Oy endiya, en la esnoga no solo meldan djudios sirios ma munchos otros sefardis (por enshemplo Kurdos) Hoy en día, la sinagoga es atendida no sólo por judios sirios, sino además por muchos tipos diferentes de judíos sefardíes (por ejemplo Kurdos) pero ainda la tefila de la esnoga es Halabi (de Halab, Aleppo) en en su forma mas pura.

Arkitektura[trocar | editar código]

La esnoga esta por arientro adornada kon el estil tradisional de las esnogas ke se topan enel Medio Oryente, muy kudiado i endiamantado, kon techos altos, lampas de aranya de fierro lavorado, butakas de madera frente a la teba, un chiko balkon de la ezrat nashim i un Ehal ke kuvija toda la pared oryentala de la esnoga. El Ehal echo de madera de nogal i endiamantado kon desenes jeometrikos kon adornos de madreperla, era restorado en la anyada de 2001 en onor del los primeros 100 anyos de la esnoga.

Aron Akodesh echo de madera de nogal lavorada a mano.

Un mural el kualo amostra imejes de las Doze Tribus de Israel se puede mirar en la parte alta de las paredes del la esnoga, i era pintado entre las anyadas de 1911 i 1912 por Yaakov Stark, un maestro de la antonses mueva eskola de arte i desen Bezalel. Stark azia parte de un grup de artistos i de intelektualos no-relijiozos de la Sigunda Aliya, el kualo bushkava kriar una esena kulturala mueva i yena de vida djudia en la sivdad de Yerushalayim. Kon el tiempo, el mural pedrio la su kolor orijinalo, ma aze unas anyadas era restorado.

Sentro de hazzanut[trocar | editar código]

La esnoga Ades atrae a munchos turistos de Israel i de otros payises, en parte por modre de la su estil relijiozo, uniko enel 'olam. Ades tiene ofridos dos tefilot en la manyana, ainda en Shabat i en Hagim) i otra para minha i una tresera tefila kombinada de minha i arvit la kuala tiene su empesijo antes del atardeser. Famoza komo un sentro de la hazzanut siria (kanto relijiozo djudio al estil del Medyo Oriente), Ades es una de las dos esnogas en la sivdad de Yerushalayim i una de las pokas del 'olam ande se kudia la antika tradision de baqashot, poeziya kabalistika kantada en las oras de la manyana de Shabat en los mezes de inverno. Las seziyones baqashot tienen su empesijo a las 3 am i la esnoga keda inchada de vizitantes.

Los hazzanim (paitanes) de la Esnoga Ades estan konsiderados los mas prestijiozos de la komunita djudia Siria. MUnchos elevos de paitanut ambezan en esta esnoga maqamot i hazzanut. Enel syeklo d'alkavo, munchos paitanes famozos salieron de Ades.

Las paredes de la esnoga tienen apresentadas imejes de las Doze Tribus de Israel i las Siete Espesies de Israel.

En las anyadas d'alkavo, Ades es muy vijitada en parte por modre de las fiestas del su 100 aniversario, fiestado enel anyo 2001, el su status uniko i el kresiente entereso en los pizmonim o kantos relijiozos por no-relijiozos i ainda no-djudios. La esnoga es una parada afiksada en paseos a pie en la maale de Nahlaot, ansina komo un lugar vijitado por djudios sirios de todo el 'olam kuando arivan a Yerushalayim para un kazamyento, una mila, un bar mitsva o simplemente para tener plazer de eskuchar baqashot. La komunita kudia los atamientos kon la su istorya i tradision, las kualas pasa de djenerasion en djenerasion. Endemas, la esnoga tiene produzidos DVDs i CDs de baqashot.

Referensias[trocar | editar código]

  1. Glorious Aleppo. Jerusalem Post (en lingua inglesa)

Atamientos eksternos[trocar | editar código]