Esnoga Kal Kadosh Shalom

de Vikipedya, la ansiklopedya líbera
Saltar a: navigación, buxcar
La tebá de la esnoga

La Esnoga Kal Kadosh Shalom, en ivrit בית הכנסת קהל קדוש שלום‎, Bet-Aknéset Kal Kadosh Shalom, ke signifika La Esnoga de la Santa Komunita de la Paz, konosida en grégo komo Συναγωγή Καχάλ Σαλόμ es una esnoga sefardi en La Djuderia, la maále djudia de la sivdad de Rodes, ubikada en la adá del mismo nombre. Oy endia, es la má antika esnoga fonksionando en Gresia[1]. La esnoga fue aperturada enel anyo 1577 (5338 enel kalendario djudio) i se uza desde antonses. La esnoga i toda la komunita de la adá tuvieron prosperidad, parnasá i bivieron kalmos basho el kontrol del Emperio Ottomano. Afilú los italianos tomaron kontrolo de la adá enel anyo 1912, endjunto a las otras isolas del Dodekaneso; en konsekuensa, munchos judios se fueron de la adá en la anyada de los 30, tiniendo temor del govyerno fachista italiano.

Má kuando el govyerno fachista de Italia akabó, la adá paso a estar basho kontrolo de los Nazis, i má de 1550 de los 1700 djudios ke kedavan ainda en la adá fueron yevados a kampos de eksterminio. Oy endiya, la esnoga Kaal Kadosh Shalom es uzada para meldar sólu en el enverano, kuando yegan munchos turistas djudios, en espesial munchos Rhodeslis (djudios de Rodes) i endemas es la sede del Muzeyo Djudio de Rodes. La esnoga se ankontra ubikada en la punta de las kalejas Dossiadou i Simiou; endemas, la esnoga tiene munchas plakas eskritas en djudeo-espanyol, el kualo es el lashon de la komunita de la adá.

Referensias[trocar | editar código]

  1. The Jews of Rhodes and Kahal Shalom Synagogue. Por Naomi Scheinerman, The Jewish Virtual Library.

Enlasos eksternos[trocar | editar código]