Esnoga de Birobidjan

Un artíkolo de la Vikipedya, la ansiklopedya líbera

La Esnoga de Birobidjan (en idish ביראבידזשאנער שול) fue establesida enel anyo 2004. La esnoga esta en la sivdad de Birobidjan, la kuala es la kapitala de la Provensiya Otonoma Ebrea, una provinsia de Rusia. La Esnoga de Birobidjan es "lapriméra esnoga en Rusia en ser fraguáda parsialmente kon parás del govyerno", asigun la Federasiyon de Komunitas Djudias de la KEI.[1][2]. La komunita resivio 112.000 dolares amerikanos para fraguar la esnoga[3]

Aperturamiento enel 2004[trocar | trocar el manadero]

Enel anyo 2004 el Rabino Shefe de Rusia, Sinyor haham Berel Lazar tomo parte de las selebrasiyones por los 70 priméros anyos dela Provensiya Otonoma Ebrea. El sinyor haham Lazar i Avraham Berkowitz, el direktor de la Federasiyon de Komunitas Djudias de la KEI estaban presentes en Birobidjan para el evenemento. El alkalde de la sivdad, Aleksander Vinnikov, i Valery Solomonovich Gurevich tambien partisiparon en el aperturamyénto de la esnoga.[4] El governador Nikolay Mihaylovich Volkov deklaro ke la Esnoga de Birobidjan es "la priméra esnoga kasher de la Provensiya Otonoma Ebrea, asigun la halaha."[5] El haham Mordechai Scheiner, el kualo es el Rabino Shefe de Birobidjan[6] i endemas el emisario de Habad-Lubavitch en la rejion, deklaró a los jurnales ke "Oy, podemos disfrutar de los benefisios de la kultura idish i no tener miedo de ritornar a las tradisiyones djudias. Aki estamos siguros i sin Antisemitismo i estamos tentanto abrir el muestro primér Talmud Tora aki".[7] El shefe de la komunita lokal, Lev Toitman, tambien partisipó del aperturamyento de la esnoga.[8]

Komunita djudia[trocar | trocar el manadero]

Asigun el sinyor haham Scheiner, egzisten unos 4.000 djudios en Birobidjan, los kualos konforman el 6% de la povlasiyon.[9] Enel anyo 2006, el haham Scheiner vijitó las viyas de Bira, Naifeld, Londoko, Birakan i Birofeld kon la komunita de Birobidjan. Endjuntos vijitaron los betahayim lokales i arikojieron informasiyon de losdjudios entierrados antes de la Sigunda Gerra Mondial. Los nombres de eyos endagora estan eskritos en el Livro del Arrikodro de la Esnoga Ortodoksa de Birobidjan, kon las datas eskritas asigun elkalendario ebreo i el gregoriano.[10] Para elanyo 2007, alkunos de los kolonos djudios orijinalos ainda estaban biviendo en estas viyas chikas. [11] Lev Toitman fue el shefe de la komunita desde 1997 asta kuando murió enel anyo 2007.[12]

Apoyo Internasional[trocar | trocar el manadero]

En el anyo 2004, la komunita djudia de Birobidjan resivió un Aron Akodesh. Este regalo tan espesial para guadrar la Tora, fue echo por la sivdad ermana de Birobidjan, la kuala es Hegan, en la Repuvlika Popular de Kina, i fue konstruyido de akódro kon la alaha.[13] En el anyo 2008, Shalom Brandman, un residente de Ramat Gan, Israel, donó una koleksiyon de livros de estudios djudaikos a la esnoga, dempues de una vijita ke izo durante el Programa de Idish del Enverano de 2007.[14]

Ver Endemas[trocar | trocar el manadero]

Referensias[trocar | trocar el manadero]

  1. A Jewish revival in Birobidzhan? In Stalin's former Jewish haven, locals say ground is ripe for rebirth Jewish News
  2. Jewish Life in Birobidjan, Russia Federation of Jewish Communities
  3. Russia's Jewish Republic Renewed. JTA
  4. Far East Community Prepares for 70th Anniversary of Jewish Autonomous Republic Federation of Jewish Communities
  5. Remote Russian Jews Get Synagogues Federation of Jewish Communities
  6. Birobidzhan - New Rabbi, New Synagogue. Washington Post
  7. Far East Community Prepares for 70th Anniversary of Jewish Autonomous Republic Federation of Jewish Communities
  8. Far East Jewish Community Chairman Passes Away Federation of Jewish Communities
  9. From Tractors to Torah in Russia's Jewish Land Federation of Jewish Communities
  10. Jewish Cemeteries Catalog for Birobidjan Federation of Jewish Communites
  11. International Yiddish Summer School Opens in Birobidzhan VOSTOK MEDIA
  12. Far East Jewish Community Chairman Passes Away Federation of Jewish Communities
  13. Birobidjan Jews Get High Tech Gift From Chinese Sister City Federation of Jewish Communities
  14. Jewish Library Gets Helping Hand in Birobidjan Federation of Jewish Communities