Esti Mamo

de Vikipedya, la ansiklopedya líbera
Saltar a: navigación, buxcar

Esti Mamo (en Ge'ez: እስቲ ማሞ, istī māmmō, en ivrit: אסתי ממו) es una modelo[1] i aktrisa yisraeli.

Chikés[trocar | editar código]

De orijin etiopiano, Esti Mamo nasió enel anyo 1983 en Chilga, en el nord-oksidente de Ethiopia. Eya pertenese a la komunita Beta Israel[2]. Kuando eya tinía 9 anyos, la su famiya migró de Etiopia, la kuala pasaba por una anyada de provesa, a Israel, i yegaron a bivir en una máale prove de Kiryat Malahi, una sivdad enel sud del paez. El su ermano chiko se amortó enel anyo 2004 [3].

Kuando era una mansevika, Esti fondó un grupo de dansa yamado Mango, el kualo se apresentó en munchos teatros en Israel i endemás representó al paez en el Karnaval de Notting Hill, en Londra.

Komo modelo i aktrisa[trocar | editar código]

Esti mamo fue dishkovyerta kuando tinía 15 anyos, má eya no achetó dinguna oferta de ajentes para ke empiesase la su karriera komo modelo asta ke akabó el lisé, má kuando tinía 18 Mamo empiesó la su karriera komo modelo [4]. Desde antonses, tiene aparisiones en portadas de revistas yisraelis, evropeas i amerikanas, komo Elle i Vogue. Endemás, a lavorado para kompanyias de moda yisraelis i evropeas komo Diesel, Kenvelo, Castro, Renoir i aktuado en la televizyón yisraeli. Enel anyo 2005, eya estuvo entre las 100 mujeres más sexy del paez en una ancheta de la revista maskulina yisraeli Blazer [5].

Referensias[trocar | editar código]

  1. The Next Top (Jewish) Model. American Jewish Life Magazine
  2. Biografiya de Esti Mamo
  3. Not Just a Pretty Face. JVibe.com
  4. A model Israeli citizen.Israel21c.org
  5. Beautiful country. Djurnal Jerusalem Post

Enlasos eksternos[trocar | editar código]