Galata

de Vikipedya, la ansiklopedya líbera
Saltar a: navigación, buxcar
Galata.JPG

Galata es un sentro del kazal Beyoğlu en Estambol i en respekto la estoria es un lugar riko.

La parte Topkapi, Azapkapi i La Kula de Galata ke kayen en la parte enferyor de Beyoğlu se yama Galata. Kuando pujo el puevlo en el sieklo 19 la djente empesaron a bivir en la parte de ariva del sentro. I komo se fraguo las fraguas para los konsolatos el sentro de ariva empeso a engrandeser. Galata por munchos anyos fue la salida para el estranjero achakes de su porto. Los marineros teniyan uzo de pasar i kedar en este lugar antes ke Fatih Sultan Mehmet konkistara el Estambol. Fue una kolonia de los Genovazos, ke era en tornada kon muraya ke fueron derokadas dospues.

Este sentro komo fue entregado kon pas alos Ottomanos el puevlo ke bivyo aya tuvo munchos avantajes i esto kontinuo fina la fin del Imperio Otomano. Una de las maz emportantes i estorikos monumentos de la sivdad es La Kula de Galata.

En Galata existe kales i eglisias de Gregos, Ermenis i Gurdjis. En los viejos anyos la mas famosa era la eglisia del santo Petre Gurdju. En el anyo 1671 se supo ke existiya el kal de Zulfaris. I en el 25 de Novembre 2001 se avyo al puevlo komo muze kon el nombre de " 500. Yıl Vakfı Türk Musevileri Müzesi" por sembol de 500 anyos ke fueron los djudios arondjados de Espanya en 1492.