Galileo Galilei
Galileo Galilei (Pisa, 15 de Fevrero de 1564 - Arsetri, 8 de Jenero de 1642), fue un astronomo, filosofo, matematiko i fisiko italiano ke fue esensial para la revolusion sientifika. Emportante ombre del Renasimiento, amostro entereso por kaji todas las sensias i artes (muzika, literatura, pintura). Sus reushitas inkluyen amijorar el teleskopio, muncha variedad de observasiones astronomikas, la primera ley del movimiento, i un apoyo esensial para el kopernikanismo. Asigun Stephen Hawking, Galileo probablemente es la persona ke mas a ayudado a la kreasion de la sensias naturales modernas. Es konsiderado komo el "padre de la astronomiya moderna", el "padre de la fisika moderna" i el "padre de la sensia".
Nasimiento i chikez
[trocar | trocar el manadero]Galileo nasio en Pisa, Italia, el 15 de fevrero de 1564. Era el ijo mayor de siete ermanos i el su padre Vicenzo Galilei, nasido en Florensia en 1520, era matematiko i muziko, i dezeyaba ke el su ijo estudiara medisina. La su famiya biviya del komersio. Asta la edad de dyez anyos fue edukado por los sus padres. Eyos se fueron a Florensia, deshando a un vezino relijioso kudiando a Galileo. Grazias a el, Galileo resivio una edukasion relijioza.
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.