Hamsa

de Vikipedya, la ansiklopedya líbera
Saltar a: navigación, buxcar
La hamsa en formo de kolgante

La hamsa (en arabo, خمسة; «sinko») es un simbolo en forma de mano la kuala es uzada tradisionalmente enel Mundo Arabo komo talisman para aprotejerse del negro mazal en jeneral i de la aynará en partikolar. Anke tanto musulmanos komo djudios establesen un vinkolo entre el sinyifikado del simbolo i las sus propias kreensias, en verdad la hamsa a tinido el su uso dokumentado desde la Antikitá.

En algunos payezes es yamada Mano de Fatima, por Fatima az-Zahra, ija de Mahomat, i a veses ojo de Fatima, déke algunas versiyones del simbolo ivan inkluir un ojo. Los djudios, por la su parte, kon frekuensia la yaman Mano de Miriam (ermana de Moshe Rabenu i Aaron) o mano sinko). La forma mas komun del simbolo es la de una mano simetrika: el dedo del korason en el sentro, a los sus lados el anular y el indise, un poko má kortos que el del korason e iguales entre si, i en los ekstremos dos pulgares, tambien del mismo boy i kon una chika kurva asia huéra. A veses kontiene otros simbolos, komo eskrituras relijiosas, el biervo "mazal" o "mazal tov", estreyas de David, ojos i otros elementos destinados a aumentar el su poder. Es komun ankontrarlas en forma de amuleto (pendientes, kolgantes), en las portas de las kazas (a veses komo aldabon), en arabás i otros lugares.

Los musulmanos akorrúto establesen una relasion entre los sinko dedos de la mano i los sinko pilares del Islam, mientres ke los djudios asen lo propio kon los sinko libros de la Tora. El simbolo, antonses, no tiene relasion alguna con el Islam. De fákto, una interpretasion estrikta no akonsejaria el su uzo ekstendido, déke el Koran kritika los amuletos i la superstision en jeneral. La hamsa la ivan uzar los Punikos, ke la asosiaban kon la diosa Tanit, i es probable ke sea aun má antiga.

Hamsa de metal en una pared, kon una palavra en ivrit, Hai - "Bivo"

Las Hamsas son populares komo amuletos i dekorasiyones en Yisrael i la jente no las konsidera komo un elemento kon relasion islamika eksepto el nombre arabo. Entre djudios, es komun ankontrar hamsas, ke son un simbolo de buen mazal, i se ankontran munshas dekoradas kon dibujos de pishkados. Es komun ankontrar hamsas en plakas para la pared, portayaves i aksesorios para las mujeres. Alkunas veses tienen eskrituradas tefilot komo la Shema Israel, la Birkat habait o la Tefilat HaDereh.

Alkunas organisasiones ke ovran por la paz en el Medio Oryente an tomado la hamsa komo simbolo de las asemejansas kulturales ke egzisten entre musulmanos y djudios.

Enlasos eksternos[trocar | editar código]