Ibn Gabirol

de Vikipedya, la ansiklopedya líbera
Saltar a: navigación, buxcar
Ibn Gabirol.

Shelomó ben Yehudá Ibn Gabirol, (en ivrit שלמה בן יהודה אבן גבירול; en arabo سليمان بن يحيى بن جبيرول, Sulaymān ibn Yaḥyà ibn Ŷabīrūl), konosido en lingua kastilyana komo Avicebrón, era un filosofo i poeta djudio de Al-Andalus.

Biografiya[trocar | editar código]

Shelomó, yamado en las kortes arabas komo Abú Ayyub Shlomó Ben Yehudah Ben Gabirol, nasió en Malaga enel anyo 1021 i murió en Valensia enel anyo 1058.[1][2] Nasió en una famiya sefardi ke bivió en Kordova asta el anyo 1013, kuando la armada bereber de Sulayman Ibn Al Hakam Al Mustaín tomaron i destruyeron la sivdad kapitala de la taifa. Kuando era ainda un ninyo, la su famiya se fue a bivir a Saragosa, ande ambezó kon Yekutiel Ibn Hassan, ken era vizir de los tudjibbis. Se kreye ke bivió en Granada komo maestro del ijo de Shmuel Ibn Negrela, vizir del rey bereber Habús, i también endemas eskriviendo poeziya en lingua ebrea.

Ibn Gabirol fue uno de los más konosidos eskritores de poeziya relijioza de Al-Andalus, anke tambien tiene obvras en otros jeneros de la literatura. Entre sus ovras mas konosidas esta “Kéter Malkut” (Korona Real), en la kuala tenta mesklar relijión i filosofiya neo-platonika. Endemas eskvirió una ovra de musar en arabo, yamada en ivrit “Mibhar Apeninim” (Seleksiyon de Perlas), la kuala fue tresladada por Yehuda Ibn Tibbon, un syéklo dempués. siglo más tarde. La ovra mas konosida i emportante de Ibn Gabirol fue Mekor Hayim (la fuente de la vida), la kuala fue tresladada ala lingua latina enel syéklo XII i ke fue tan apresyada entre los akademikos kristyanos de la epoka, ke se kreyía ke el otor orijinal era kristyano. Egziste una versiyon[3] en ivrit modérno, publikada en Tel Aviv enel anyo 1926 por Yaakov Blaustein.


No son konosidos munchos detalyos de la vida de Ibn Gabirol ahuéra de sus ovras, ma se kreye, bazado en las ovras de otros djudios de Al-Andalus, ke murio enel anyo 1058, ainda djoven, de edad de trenta i syete anyos.

Ovras[trocar | editar código]

  • Diwan
  • Anak
  • Séfer Tikun Midot Anefesh
  • Séfer Mekor Hayyim
  • Séfer Mibhar Apeninim
  • Kéter Malkut


Referensias[trocar | editar código]

  1. Ibn Gabirol en la Página de la Junta de Andalucía (en lingua kastilyana)
  2. Voz «Ibn Gabirol» en la Gran Enciclopedia Aragonesa.
  3. La caída del califato y los reinos de Taifas: La Edad de Oro de las Letras Hispano-Judías (en lingua kastilyana)