Imperio Ostro-Ungario

de Vikipedya, la ansiklopedya líbera
Saltar a: navigación, buxcar
Bandiera del Imperio Ostro-Ungario

El Imperio Ostro-Ungario (Österreichisch-Ungarische Monarchie en almán, Osztrák-Magyar Monarchia en lingua madjar) era un estado federal topado en la Evropa Sentrala i Oryentala konformado por dos estados: Sisleitania i Transleitania, basho el governo de la monarkiya de los Absburgo, ma afilu fue un payis de kurta egzistensya, sólu yegó a tener dos emperadores: Franz Josef I i Karl II. Este estado fue kriado el 18 de Fevrero de 1867, dempues del Akódro Ostro-Ungariano, el kualo iva akseptar la egzistensya del Reyno de Madjaristan komo un payis otonomo ariéntro del Imperio Ostriako, el kualo iva ser konosido desde ese akódro komo "Imperio Ostro-Ungariano". Enel anyo 1914 el payis tinía un area de 675.936 km² i 52.799.000 abitantes, endemas de ser una de las grandes potensias mondialas para la epoka.

El Akódro Otro-Ungariano[trocar | editar código]

Asigun el Akódro Ostro-Ungariano (en almán Ausgleich; en lingua madjar Kiegyezés) se ivan kriar dos payises, para dar repuesta a las demandas nasyonalas de los madjares del imperio. Por esto, Sisleitania iva tener una burgesiya almana, mientres ke Transleitania iva ser un payis kon la su klasa burgeza d'orijin madjar. Los dos payises ivan espartir el mismo monarka, el kualo tinía dos titolos: Emperador de Ostria i Rey de Madjaristan. Los dos payises endemas ivan espartir tres ministerios: ekonomiya, lisiones eksternas i defensa.

Erensia[trocar | editar código]

El Imperio Ostro-Ungario es oy endiya trese payises de Evropa, Ostria, Madjaristan, Chekia, Eslovakiya, Esloveniya, Bosnia i Hersegovina i Kroasia, endemas de las rejiones de Voivodina i Banat Oksidental en Serbia, Beira de Kotor en Montenegro, Trentino-Alto Adigio i Trieste en Italia, Galitzia i Silesia oksidentalas en Polonia i la Galitzia oryentala i la Rutenia en Ukraina.

Mapa del Imperio Ostro-Ungariano

Atamientos eksternos[trocar | editar código]

Commons-logo.svg
Wikimedia Commons alberga kontenido multimedia sovre Imperio Ostro-Ungario