Istorya de los djudios en Malasia

de Vikipedya, la ansiklopedya líbera
Saltar a: navigación, buxcar

Djudios Malayos es un termo uzado para referirse a los djudios ke biven en Malasia o ke orijinalmente nasieron en este paez. Kaji todus biven en el estado de Penang, ma endemás se ankontran en otras sivdades del paez, komo Kuala Lumpur i Malacca. La mayor parte de los djudios de Malasia son mizrahim, de los kualos kaji todus son Djudios Baghdadim, kon alkunos ashkenazim i otros djudios khinezos ke eskaparon de la sivdad de Kaifeng kuando los Komunistas tomaron kontrolo del paez enel anyo 1949.

Istorya[trocar | editar código]

El primér kontakto entre los djudios i los abitantes orijinales de la Peninsula Malaya (la kuala dempues iva pasar a ser parte de Malasia) iva okurir en el syéklo IX en las ribeiras del valey del Bujang, i dempues ya en el syéklo XVIII en los merkatos de Malacca. La presensia de merkaderes Baghdadim en Penang possivelmente iva okurir ya en el syéklo XIX, kuando el komersio en el Emperio Britaniko fue avyerto, el kualo iva atraer famiyas djudias merkaderas komo los Sassoon i los Myers de la India. Endemás, alkunas famiyas emigraron desde la provensiya Ottomana de Bagdad, déke las persekusiyones del governador, Daud Pasha, entre los anyos 1817 i 1831. [1].

El primér djudio konosido por el su no,bre ke bivió en Malasia fue Ezekiel Aaron Menashe, el kualo emigró de Bagdad enel anyo 1895. El dizia ke era el uniko djudio relijioso por 30 anyos asta ke dempues de la Sigunda Gerra Mondial munchos djudios yegaron al paez [2], afilú las estadistikas de esos anyos amostran una realitá diferente. Durante la Invasion Japoneza de Malaya, la komunita djudia fue evakuata a Singapur má afilú munchos ivan ser aprezados kuando dempués los japonezos invadieron la oy sivdad-paez. Dempues de la Gerra, la mayor parte de la komunita iva emigrar a Singapur, Ostralya, Yisrael i los Estatos Unitos d´Amerika. [3]. Enel anyo 1963, sólu 20 famiyas djudias ivan kedar en la Peninsula Malaya. La unika esnoga en Penang, ubikada en la kaleja Jalan Nagore serró las sus portas enel anyo 1976 déke la komunita se kedó sin minyán [4].

Oy endia, aproksimadamente unos 100 djudios biven en Malasia, en la su mayoria, arifujiados de Rusia[5]. La mayoría de la komunita emigró a otros paezes basikamente debido del antisemitismo en el paez, endemás de las politikas ofisiales anti-Israel del governo de Malasia desde los anyos 70. La kaleja Jahudi Road (o Kaleja Djudia) en Penang, ande la mayoria de la komunita de la sivdad iva bivir, el governo malayo le troko el su nombre por Jalan Zainal Abidin, ansina eliminando otro arikordo de la presensia de los djudios en Malasia. Sólu kedan ainda el Betahayim i la esnoga.

Los ijos de los ultimos djudios Malayos se ankontran en Singapur, en Ostralya, Kanada, Mueva Selanda, Reyno Unito i en los Estatos Unitos d'Amerika, sobre tódu en la sivdad de Mueva York, má no se konose kuantos son en total. La mayor parte de eyos avlan malayo, ivrit i la lingua ingleza, endemas de alkunos ke avlan farsi, arabo i alkunos idish.

Djudios Malayos famosos[trocar | editar código]


Ver Endemas[trocar | editar código]

Referensias[trocar | editar código]

Literatura[trocar | editar código]

  • Khoo Salma Nasution. More Than Merchants: A History of the German-speaking Community in Penang, 1800s-1940s. Areca Books. (2006). ISBN 978-983-42834-1-4 (pg. 33)

Enlasos Eksternos[trocar | editar código]



Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.