Itsak Algazi Efendi

Itsak Algazi Efendi (en lingua turkana İzak Algazi Efendi) era uno de los hazanim mas konosidos de la Turkiya i del mundo.

Orijin[trocar | trocar el manadero]

Itsak Algazi nasió en la sivdad de Izmir el 24 de Avril de 1889, en una famiya sefardi. El su padre, Salomon Algazi i su papú ean unos de los mas konosidos hazanim en las esnogas de la sivdad i del Imperio Otomano. Ambezó musika klasika otomana kon los maestros djudios Shem Tov Shikar i Hayyim Alazraki i dempues de su semiha, fue moré i direktor de la yeshiva Hillel en la máale de Karataş, en Izmir. Enel anyo 1918 se espozó kon la sinyora Regina.

Vida en Estambol[trocar | trocar el manadero]

Enel anyo 1923, Itsak se fue a bivir kon su famiya a Estambol, para lavorar en la esnoga Neve Shalom. Alyí konosio i fue maestro del hazan Isak Maçoro. Itsak Algazi bivio diez anyos en la komunita djudia de Estambol i alyí fue una de las figuras más emportantes. Endemas es konosido su entereso por amijorar la edukasiyon djudia, las eskolas de la komunita i las relasiones entre la komunita i la djoven repuvlika turkana. Lavoró kon munchos maestros de la musika klasika turkana, endemas de eskritores i de istoriadores turkanos. Atatürk tenia admirasion por Itshak ^[1] i su konosensya de la kultura, la musika i la istorya turkana.

Haham en Paris i en Montevideo[trocar | trocar el manadero]

Ma Isak Algazi dechdió enel anyo 1933 no tornar a la Turkiya i se fue a bivir a Paris por dos anyos, ande fue el haham de la Gran Esnoga de Paris. En 1935 se fue a bvir a Montevideo, Uruguay, ande bivió asta la anyada de 1950, kuando murió.

Diskografiya[trocar | trocar el manadero]

Edwin Seroussi, The Life and Music of Rabbi Isaac Algazi from Turkey, Renanot, Jerusalem, 1989 (with two cassettes ed. Ezra Barnea and Edwin Seroussi)
Cantor Isaac Algazi - Sweet Singer Of Israel (2002), Wergo ^[2]
Isaac Algazi Efendi - Osmanlı-Türk ve Osmanlı-Yahudi Musıkisinin Büyük Sesi (2004), Kalan Müzik ^[3]