Jacob Levy Moreno

de Vikipedya, la ansiklopedya líbera
Saltar a: navigación, buxcar
Kaza de la famiya Moreno en Pleven, Bulgaria.

El Dr. Jacob Levy Moreno (en ivrit יעקב לוי מורנו) era un konosido sikiatra, fondador del Sikodrama i la Sosyometriya.

Biografiya[trocar | editar código]

Moreno nasio enel anyo 1889 en la sivdad de Bukureshti, Rumania i kresio en Viena, Ostria. El su padre era Nissim Moreno Levy, un merkader sefardi nasido enel anyo 1856 en Pleven, antonses parte del Imperio Otomano (oy parte de Bulgaria). El nono de Jacob, Buchis, se fue a bivir a Pleven desde Estambol, ande los sus ansestros arrivaron desde Espanya enel anyo 1492. Se kreye ke la famiya Moreno deshó Pleven para Bukureshti durante la Gerra Ruso-Turka de 1877-78, tras del haham de Pleven Haim Bejarano, en bushkida de menos antisemitizmo. La madre de Moreno, Paulina Iancu, tambien sefardi, nasida enel anyo 1873, era de Călăraşi, Rumania [1]. Ambezó medisina, matematikas y filosofiya en la Universita de Viena. Kuando ainda era elevo en la universita, no achetó las teoriyas de Sigmund Freud i dezvelopó su entereso en los grups para la praktika. Jeneralmente izo sus eksperimentos en sikodrama, sosyometriya i sikoterapia grupala, dempues de irse a bivir a la sivdad de Mueva York, Estados Unidos enel anyo 1925. Lavoró komo profesor en la Universita de Columbia i en la Mueva Eskola de Investigasiones Sosyalas. Endemás, fue elevo de Carl Gustav Jung.

La su espoza, Zerka Moreno, ainda aze el su lavoro oy endiya. Entre los sus elevos se ankontra el sueko Leif-Dag Blomkvist.

Ovras[trocar | editar código]

  • El teatro de la espontaneidad. Ed. Vancú, Buenos Ayres, 1977
  • Las palabras del padre. Ed Vancú, Buenos Ayres, 1977
  • Las bases de la psicoterapia. Ed. Hormé, Buenos Ayres, 1967
  • Psicoterapia de grupo y psicodrama: introducción a la teórica y la praxis. Ed. Fondo de Cultura Económica, Sivdad de Méksiko, 1966
  • Sikodrama, Sikomuzika i Sosyodrama. Ed. Hormé, Buenos Ayres, 1961
  • Sikodrama. Ed Hormé, Buenos Ayres, 1961
  • Fondamentos de la Sosyometriya. Ed. Paidós, Buenos Ayres, 1961

Ver endemas[trocar | editar código]

Referensias[trocar | editar código]

  1. Marineau, René F. (1989). "Ancestors and family: the birth of a myth". Jacob Levy Moreno, 1889-1974: father of psychodrama, sociometry, and group psychotherapy. Routledge. pp. 4–6. ISBN 9780415043830

Atamientos eksternos[trocar | editar código]