Judensau

de Vikipedya, la ansiklopedya líbera
Saltar a: navigación, buxcar
Ilustrasion kon la Judensau de Wittenberg, 1596.

Los biervos almanos Judensau (porka djudía) o Judenschwein (porko djudío) deskriven una ikonografiya antisemita de orijin medievalo, la kuala representa malorozamente i kita toda asosiasion umana a los los djudíos. En la epoka antika era un motivo frekuente del arte kristyáno antidjudío. Igualar a un djusio kon un porko es empiegado para muchiguar la umiliasion en kontro de los djudios, deke la su karne no kumple kon las leyes de kashrut i es konsiderada taref.

Las imajenes de la Judensau se pueden dokumentar desde empesijos del syéklo XIII i fueron kriadas prinsipalmente en akeyas rejiones de Evropa Sentrala, jeneralmente komo relieve o eskultura; se ankontran en unas 30 iglesias i otras fráguas de Evropa Sentrala. Endemas, dempues del syéklo XV se uzaron para ilustrar gazetas kon el buto de azer burla de los djudios. Dempues del syéklo XIX, el biervo fue empiegado endemas komo ofensa antidjudia. Los nazis adaptaron la imej a la su kavza i la trokaron por Saujude, el kualo uzaron komo groseríya para umilyar, denunsiar publikamente i amenasar a las personas de orijin djudio. Oy endiya, el biervo Judensau es defendido (inkluzo puede yevar a la prizión) en Almania, Ostria i Suisa.

Ver endemas[trocar | editar código]


Enlasos eksternos[trocar | editar código]

Commons-logo.svg
Wikimedia Commons alberga kontenido multimedia sovre Judensau