Judy Frankel

Judy Frankel fue una kantadera amerikana de musika en djudeo-espanyol, endemas de muzika en idish i en ivrit. Judy nasió en 1943 i murio el 20 de Marso de 2008 en la sivdad de San Francisco.

Biografiya

Judy Frankel nasió komo Judith Bradbury, en la sivdad de Boston. Ya kuando era una mansevika de 13 anyos kantava i tanyia la gitara en kazamyéntos, bar mitzvot i afilu en radio i televizyón. Arivó a la sivdad de San Francisco enel anyo 1969, kon el su antonces espozo, el múziko Ken Frankel, i kantó komo solista en el San Francisco Symphony Chorus i el San Francisco Consort, grupo de múzika medievala. Anke la su famiya era de orijin ashkenazi, eya amostrava un grande entereso por la kultura sefaradi. En Makao, asigún la su amiga Anne Treseder, ambezó de un rifujiado de Timor Oryentala una kantika sovre la paz. Enel anyo 1995, kantó esta kantika en Lisboa en un omenaje a Aristides de Sousa Mendes, diplomátiko portugez ke kuando lavorava en Bordeaux salvó la vida a miles de djudios, kuando entregava a eyos visas para eskapar de la Fransia okupada por las tropas Nazis.

Ovras

• Sephardic songs in Judaeo-Spanish

Diskografiya

• Sephardic Songs of Love and Hope (1992)
• Scalerica de Oro (1995)
• Silver & Gold (1997)
• Tresoros Sefardis (1998)

Atamientos eksternos

• Pajina web ofisiala de Judy Frankel