Kristianismo

de Vikipedya, la ansiklopedya líbera
Saltar a: navigación, buxcar

El Kristianismo es una relijion monoteista de orijin djudio ke se basa en su rekonosimiento a Yeshu, el Kristo komo el su fondador, Mashiah i figura sentrala. Kon mas de 2.100 milyones de kreyentes, o serka de una treséra parte de la povlasion mondiala; es konsiderada la relijion del mundo kon mas segidores. Ariento de los sus escritos sagrados, esparte kon el Djudaismo el Tanah. Por este motivo es yamada Relijion Avraámika endjuntamente kon el Djudaismo i el Islam.

Ramas del Kristianismo[trocar | editar código]

Ramas del kristianismo

El kristyanismo se ankontra dividido en varias ramas, las kualas aparesieron por kavza de diferensias en Konsehos relijiozos de la Iglesia primitiva (Efeso i Kalsedonya), endemas de la gran division entre los Imperios Romanos de Oryente i Oksidente i la Reformasyon de la Iglesia enel syéklo XVI, lo kualo kavzó el nasimyénto de las iglesias protestantes. Las Ramas prinsipalas son:

  1. Iglesia Katolika
    1. Ritos Oksidentales
    2. Ritos Oryentales
  2. Iglesia Ortodoksa
  3. Iglesia Protestante
    1. Iglesia Anglikana
    2. Iglesia Luterana
    3. Iglesia Reformada Olandeza
  4. Iglesia Asirya de Oryente
  5. Iglesia Ortodoksa Kopta
  6. Iglesia Ortodoksa del Este