Letra Evropea de las Linguas Minoritarias o Rejionalas
La Letra Evropea de las Linguas Minoritarias o Rejionalas es un akódro firmado en Estrasburgo el 5 de Noviembre de 1992 por los payises ke azen parte del Konsejo de Evropa para protejer i azer promosion de todas las linguas de Evropa ke no son ofisialas o ke afilu son ofisialas en alkuno de estos payises, no son ofisialas en otros; o endemas akeyas linguas ke son ofisialas ma tienen menester de adjudo del govierno. Los dialektos i lashones de las linguas ofisialas no azen parte del akódro, ansina komo las linguas avladas por los inmigrantes.
El Konsejo de Evropa tiene komo buto kudiar i defender los diritos umanos i la demokrasia, a traverso del dirito politiko.
Se kreye ke unas 40 milyones de sitizenos de la Union Evropea uzan una lingua rejionala o minoritaria istorika.[1] Asigún informes de la UNESCO egzisten mas de 30 linguas evropeas en perikolo,[2] por lo kualo, anke se uza la frasa "lingua minoritaria", kere dezir lingua minorizada i estos biervos no son sinonimos.[3]Los payises eskojen las linguas kon las kualas akódran kudiar i el levelo de proteksion.
