Margalit Matitiahu

de Vikipedya, la ansiklopedya líbera
Saltar a: navigación, buxcar

Margalit Matitiahu (nasida en Tel Aviv, Israel, 1935) eskritora israelita en ebreo i ladino. Ija de padres de Salonika ke vinían de Leon, ambezó Filolojiya Ebrea i Filosofiya en la Universita Bar Ilan.

Eya empiesó eskriviendo en ivrit i enel anyo 1988 publikó Kurtijo Kemado (inlkuyuido en Vela de la luz)en djudeo-espanyol, el kualo es un testemunyo de la destruksiyon Nazi. Eya endemas a lavorado komo apresentadora la radio i abediguó la su lingua materna. Eya endagora es myémbro de la Akademia Mondiala del Arte i la Kultura, i resivio un Doktorado Honoris Causa del Israel PEN Club i de la Asosiasion Yisraeliana de Eskritores. Eya tiene aresivido munchos premios, komo:

  • Premio Fernando Jeno del anyo 1994. Es el premio internasional para la literatura djudia otorgado por la komunita mejikana
  • Premio del Ateneo de Jaén 1996, el premio internasional para la poesiya de Jaen, Andaluziya
  • Premio de Literatura del Primér Ministro del anyo 1999 en Yisrael
  • Premio de Poesiya del anyo 2003, de la Akademia "Oryente-Oksidente" de Arges, Rumania

Giusepina Gerometa de la Universita de Udine, Italia, de la eskola de linguas ekstranjeras, izo el su Ph.D enel anyo 2002 bazado en la "Poesiya de Margalit Matitiahu". Este es el primer Pd.D bazado en alkun eskritor sefaradi kontemporaneo. El sigundo, a sido eskrito por Sonja Bertok, de la Universita de Trieste, Italia, enel anyo 2004.

Egzemplo de romansa[trocar | editar código]

Me visto tu kara sobre la mia,
Y kon tus ojos veo tu ermosa sivdad natal.
La tristesa i la maraviya te anvelopan,
En viendo lugares ke ya no los konoses mas.

Eskritos en ivrit[trocar | editar código]

  • Por el vidrio de la ventana (1976)
  • El no silencio veraniego (1979)
  • Cartas blancas (1983)
  • Esposada (1987)
  • Escaleras de media noche (1995)

Eskritos en djudeoespanyol[trocar | editar código]

  • Alegrica (1993)
  • Matriz de luz & Vela de la luz (1997)
  • Kamino de Tormento (2000)
  • Vagabondo Eternel & Bozes en la Shara (2001)
  • Canton de solombra (2005)
  • Asiguiendo al esfuenio (2006)

Atamientos eksternos[trocar | editar código]


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.