Osasuna

Un artíkolo de la Vikipedya, la ansiklopedya líbera

El Klub Atlétiko Osasuna (en lingua kastilyana Club Atlético Osasuna; en euskera Osasuna futbol taldea) o simplemente el Osasuna, es un ekip de futbol de la sivdad de Pamplona (Navarra, Espanya). Oy endiya, el ekip djuega en la Primera Division de Espanya. Fue fondado el 17 de Noviembre de 1920, por modre de la union de dos ekips de la sivdad: el "Sportiva" i el "New Club".

La kolor del ekip es el kolorado, uzado endjuntamente kon el blu marino en sus vistidos de titular. Desde la anyada de 1967 el ekip djuega enel stadion "Reyno de Navarra" (antes yamado "Sadar"), el kualo tiene kapachitad para 19.800 espektadores.

El ekip guanyó la Kupa del Rey una vez i endemas djuegó en una edision de la Kupa de Kampeones i en katro edisiones de la Kupa de la UEFA, a la semifinal de la kuala arrivó en la temporada 2006-07. El ekip es el mas emportante de Navarra en su istorya, deke tiene djuegadas 32 temporadas en Primera Division, 33 en Sigunda i 12 en Trésera. Se kreye ke es el 17no amijor ekip de futbol de Espanya. [1] Asigun la IFFHS, fue el amijor ekip del mundo enel mes de Disiembre de 2006.

Atamientos eksternos[trocar | trocar el manadero]

Referensias[trocar | trocar el manadero]

  1. Spanish Premier Division All-Time Table 1928-2008 (77 Leagues). The Rec.Sport.Soccer Statistics Foundation. Oktobre de 2009