Ralph de Toledano

de Vikipedya, la ansiklopedya líbera
Saltar a: navigación, buxcar

Ralph de Toledano fue un djurnalista i eskritor amerikano kon enfluensia enel movimento konservador enel syeklo XX.

Biografiya[trocar | editar código]

Ralph nasió en Tanjer, Marroko el 14 de Agosto de 1916[1] en una famiya sefaradi de orijin marroki ma ke era sivdadana de los Estatos Unitos d'Amerika. Ya de mansevo, fue a estudiar en la eskola musikala Juilliard School; de ninyo ambezó a tokar el violin kuando tinia 5 anyos. El su enterezo por la musika fue trokado por la politika kuando se unio al Partito Sosyalista de Amerika i se konvirtió enel lider djovenil de la faksiyon antikomunista del partito, la kuala era liderada por Louis Waldman. Esta faksiyon deshó el partito enel anyo 1936. Ralph endemas estudio en la Universita de Columbia i fue editor shefe del magazin de la universita, The New Leader.

Karriera komo djurnalista[trocar | editar código]

Toledano estuvo kaji 20 anyos enel konsejo editorial de 'Newsweek, i endemas fue uno de los fondadores de National Review enel anyo 1955. Las sus diferensias kon los otros djurnalistas konservadores se izieron konosidas en 1960, kuando Toledano kijo aproyar a Richard Nixon i no a Barry Goldwater.

Anyos dempues, kuando ya Nixon era presidente de la Union Amerikana, Toledano brego kon Daniel Patrick Moynihan ensima de ser yamado el shefe de la politika interna del governo de Nixon. La viktoria de Moynihan es konsiderada un momento emportante en la istorya del movimento [[|Neokonservatismo politiko|Neokonservador]] enel paez.

Nunka deshó la musika. A la fin de su karriera en National Review, sólu eskrivió artikolos de musika, shukur a los trokos en la politika konservadora del paez. Endemas eskrivio artikolos de musika para The American Conservative. Toledano eskrivio munchas ovras; la ultima, Cry Havoc: The Great American Bring-down and How It Happened, fue publikada enel anyo 2006.

Muerte i erensia[trocar | editar código]

Ralph de Toledano murio el 3 de Fevrero de 2007 kon 90 anyos[2], en la sivdad de Bethesda, Maryland. Asya el final de los sus diyas, Toledano dizia ke el era un libertario, asigun el su ijo Paul Toledano, en un artikolo del 10 de Fevrero de este anyo enel djurnal New York Times.


Ovras[trocar | editar código]

No-Fiksiyon[trocar | editar código]

  • Frontiers of Jazz (New York: O. Durrell, 1947)
  • Seeds of Treason (with Victor Lasky) (New York: Funk and Wagnalls, 1950)
  • Spies, Dupes, and Diplomats (New York: Duell, Sloan and Pearce, 1952)
  • Nixon (New York: Holt, 1956)
  • Lament for a Generation (New York: Farrar, Straus and Cudahy, 1960)
  • The Winning side, the Case for Goldwater Republicanism (New York: Putnam, 1963)
  • The Greatest Plot in History (New York; Duell, Sloan and Pearce, 1963)
  • RFK, the Man Who Would Be President (New York: Putnam, 1967)
  • One Man Alone (New York: Funk and Wagnalls, 1969)
  • J. Edgar Hoover (New Rochelle, NY: Arlington House, 1973)
  • Let Our Cities Burn (New Rochelle, NY: Arlington House, 1975)
  • Hit and Run (New Rochelle, NY: Arlington House, 1975)
  • The Apocrypha of Limbo (Gretna, LA: Pelican, 1994)
  • Notes from the Underground (Washington: Regnery, 1997)

Fiksiyon[trocar | editar código]

  • Day of Reckoning (New York: Holt, 1955)
  • Devil Take Him (New York: Putnam, 1979)

Poeziya[trocar | editar código]

  • Poems, You and I (Gretna, LA: Pelican, 1978)

Referensias[trocar | editar código]

  1. Ralph de Toledano, 90, Writer Known as a Nixon Friend, Dies. Djurnal New York Times
  2. Hard-nosed investigative reporting: a giant has left us. Pior Wes Vernon. Renew America

Enlasos eksternos[trocar | editar código]