Sentro Nasyonal de Espor - Tel Aviv
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El Sentro Nasyonal de Espor - Tel Aviv (endemas yamado "Sentro de Espor - Hadar Yosef") es un komplekso ke se topa en Hadar Yosef ke esta konformado por fraguas dedikadas al amijoramiento de los esportistos; endemas, se topan los buros de las asosiasyones esportivas, el del Komite Olimpiko de Israel, la asosiasion yisraeliana de Judo, la asosiasion yisraeliana de voleyball i otros. El lavoro del Sentro Nasyonal de Espor esta komplementada kon el Instituto Wingate en Netanya.
La sede del Sentro Nasyonal de Espor se topa serka del Parko Yarkon. Serka del komplekso, se topa endemas el Stadion Nasyonal de Ramat Gan, ande se topa endemas el buro de la Asosiasion de Futbol de Israel. El komplekso esta konformado por tres partes: un sentro esportivo, un sentro de tenis i una fragua kon buros i espasios para praktikar espor de alto levelo. Endemas, el komplekso tiene un teatro i el Muzeyo de la Eksperiensya Olimpika, aperturado enel anyo 2009.
