Shakshuka

de Vikipedya, la ansiklopedya líbera
Saltar a: navigación, buxcar

Shakshuka (en arabo: شكشوكة‎; en ivrit: שקשוקה (es un plato de la kumida de la Afrika del Nord, espesialmente de la Tunesia i de la kumida yisraeli echo kon tomats kozinados, espesias i guevos. Es gizado al huégo basho empiesando kon los zerzevátes i las espesias; dempues de ke estan kuzinados, se agregan los guevos. Esta kumida es muy paresida al plato turko Menemen i al plato de la kumida latinoamerikana "Huevos Rancheros".

Plato de Shakshuka

En la kuzina yisraeliana, el plato es echo kon guevos, tomats, sevoya o ajo. La shakshuka es uzualmente komida con pita, komo munchos de los platos de la kumida del Medio Oryente o kon pan blanko, el kualo es uzado para komer kon el. Afilú no es komun en la kultura oksidentala, la shakshuka es ankontrada mondialmente en los restorantes yisraelianos o sefardis. La su popularitá esta endemás kresiendo entre los ashkenazim por todo el mundo. Las variasiones egzisten, komo shakshuka kon pimientones védres o kon otras espesias, o trokando los guevos kon tofu. Las rechetas pueden ser poko o bastante pikantes, afilú la recheta de la versiyon orijinala yisraeliana es bien pikante.

Referensias[trocar | editar código]


Atamientos eksternos[trocar | editar código]