Sinagoga de Kordova

de Vikipedya, la ansiklopedya líbera
Saltar a: navigación, buxcar
La Pared Oksidentala de la Sinagoga

La Sinagoga de Kordova es un Kal ubikado en la sivdad de Kordova. Fue aperturada enel anyo 1315, en la djuderia de la sivdad, enel numero 18 de la kaleja Djudios o kaleja Maimonides, serka de la Mishkita de Kordova. Es una de las pokas esnogas de Espanya ke kedan kaji en el su estado orijinal asta oy endia.

Yama la atension ke el fraguamyento de este kal duro un anyo, desde Septembre de 1314 a Septembre de 1315. Fue fraguádo enel estil mudejar por el arkitekto Ishaq Moheb[1]. La sala para meldadura del kal es kaji kuadrado, de 6.95 x 6.37 m. i su altura es mas de 6 metros. La azara del kal tiene tres balkonikos, konektados por una skalera al resto del kal.


Dempues de la Ekspulsion, el kal fue transformado en ospital i para el anyo 1885, fue deklarado Monumento Nasional por el su valor artistiko; la frágua fue restaurada varias vezes i en 1985, anyo enel kual fueron markados los 850 anyos del nasimiento del Ramba"m, el kualo nasio en Kordova, el kal fue avierto al publiko.

Referensias[trocar | editar código]

  1. "Las Sinagogas Medievalas de Espanya". Revista Aki Yerushalayim #84. Por Zelda Ovadia

Enlasos eksternos[trocar | editar código]

Commons-logo.svg
Wikimedia Commons alberga kontenido multimedia sovre Sinagoga de Kordova