Sivdad globala

de Vikipedya, la ansiklopedya líbera
Saltar a: navigación, buxcar
Sivdades globalas enel anyo 2008

Sivdad globala o sivdad mondiala es un konsepto de jeografiya de las sivdades dezvelopado por el departamento de Jeografiya de la Universita de Loughborough[1]. Esta definision es uzada en akeyas sivdades ke tienen syertas karakteristikas por modo de la globalizasiyon i al kresimyento de las sivdades. Las "sivdades globalas" son las ke tienen un efekto direkto en los menesteres mondialos a traverso de algo mas ke sólu medio sosyal-ekonómiko, kon influensa en la kultura i la politika. Este biervo fue definido por Saskia Sassen, aziendo referensia a Londra, Mueva York, Paris i Tokio, en kontro del biervo megasivdad, en su ovra de 1991 yamada La Sivdad Globala.

Karakterístikas[trocar | editar código]

  • La sivdad es konosida internasionalmente.
  • La sivdad tiene organizados evenementos internasionales, komo por egzempio evenementos esportivos (Djuegos Olimpikos o la Kupa Mondiala de Futbol), politikos o sosyales, o ser sede de organismos internasyonales.
  • La sivdad tiene una povlasion grande en su area metropolitana.
  • La sivdad tiene un ayroporto el kualo fonksiona komo un "hub" internasional, ande arriven bolos kon grandes sivdades del mundo.
  • La sivdad tiene un modérno sistem de transporto interno (metro i otobuses) i kon otras sivdades, kon otopistas i trénos de alto prestor.
  • La sivdad tiene una infrastruktura dezvelopada de telekomunikasiones.
  • La sivdad kale tener una shena kulturala dezvelopada, shukur a la egzistensia de festivales de sinema, konsertos, galeriyas de arte, muzeyos, ets.
  • La sivdad es la sede de entreprisas iunternasionalas i aktividades komo ferias komersialas i una borsa ke la agan una sivdad importante para negosios.
  • La sivdad tiene un alto dezvelopamiento sosyal, universitas i sentros de investigasion

Para alkunos, Londra, Mueva York, Paris i Tokio syémpre estan konsideradas komo las "katro grandes" sivdades del mundo - endemas de ser un siman del kapitalizmo global. Afilu, munchos otros akademikos azen la lista de sivdades globalas kon otras.

Referensias[trocar | editar código]

  1. The World According to GaWC 2008. Globalization and World Cities Study Group and Network (GaWC). Universita de Loughborough

Atamientos eksternos[trocar | editar código]

Commons-logo.svg
Wikimedia Commons alberga kontenido multimedia sovre Sivdad globala