Sven Alkalai

Un artíkolo de la Vikipedya, la ansiklopedya líbera
Sven Alkalai en 2012.

Sven Alkalai, en serbo-kroata Sven Alkalaj, nasido en 11 de Novembro de 1948 en Sarajevo, minístro de Liasones Eksteriores de Bosnia i Herzegovina en 2007-2012. Alkalaj, el kualo es sefardi[1], es unos de los djudios mas konosidos de la komunita. Es myémbro del partito Partito para Bosnia i Herzegovina, el kualo es dirijido por el myémbro de la presidensia kolektiva del paez, Haris Silajdžić.

Biografiya[trocar | trocar el manadero]

Sven Alkalai nasió en Sarajevo i se graduó de injeniero mekániko en la Universita de Sarajevo enel anyo 1974. El ritornó a la universita enel anyo 1987 i tiene endagora endemas un titolo de ekonomiya. Entre las sus fonksiones para el govyerno del su paez se ankontran:

  • 1985 – 1988 - Shefe Rejional para el Serkano i Medio Oryente de Energoinvest en Sarajevo.
  • 1975 – 1985 - Direktor Komersial de Petrolinvest en Sarajevo.

Otros fáktos[trocar | trocar el manadero]

Alkalai avla, endemás de serbo-kroata, inglez i fransez, endemas de un poko de espanyol. Alkalai a resivido munchas kritikas i demandas en los medios de komunikasiyon de Bosnia i Herzegovina para ke deshe el ofisio de Ministro de Liasones Eksteriores dempués de ke el resivió la sivdadania de Kroasia, kuando el se deklaró ke era kroata.

Referensias[trocar | trocar el manadero]

Atamientos eksternos[trocar | trocar el manadero]