The Forward

Un artíkolo de la Vikipedya, la ansiklopedya líbera
Mansevikos asperando por el "Forwards" a la 1 A.M., Marso de 1913, Mueva York. Fotografiya de Lewis Hine.

The Forward (en idish פֿאָרווערטס, Forverts) es un periodiko semanal djudio publikado en la sivdad de Mueva York.

Oy endia, el djurnal Forward es publikado setimanalmente komo una revista de notisias en dos edisiyones, una en idish i una en inglez. De fákto, kada edisiyon es una publikasiyon independiente, kon los susprópios kontenidos. Jane Eisner paso a ser la editora en Djunio del anyo 2008.[1] El direktor editorialo es J.J. Goldberg, el kualo a sido direktor desde el anyo 2000.[2] El periodiko mantiene una linea editoriala de sentro-siédra.[3]

Istorya[trocar | trocar el manadero]

Fue fondado enel anyo 1897 komo un djurnal diario en idish por Abraham Cahan. El su nombre, ansina komo la su orientasiyon politika se tomaron del Partito Sosyal Demokratiko Alman i el su própio djurnal Vorwärts. La sirkulasiyon i distribusiyon del djurnal kresió pishín, en paralelo kon el kresimyénto pishín de la povlsiyon avlante de idish en los Estatos Unitos. Para el anyo 1912, ya sirkulaba kon unos 120.000 egzemplares diarios[4] i a fines de la anyada de los 20 i empieses de los 30, el djurnal avía ganado una gran enfluensia i un grupo de lektores de má de 275.000 en tódu el paez[5] afilú bashó a unos 170.000 komo konsekuensa de los trokos en la politika de imigrasiyon de los Estatos Unitos la kuala kaji eliminó la arivada de djudios por kompleto. Para el anyo 1962, sóloeran publikados unos 56.126 diariamente i unos 59.636 en Alhad[6] i para el anyo 1983 se publikaba sólu una vez a la setimana, kon un enkarte en inglezo. Enel anyo 1990 el suplemento en inglez se trokó en un setimanario independiente, el kualo para elanyo 2000 tinía una sirkulasiyon de 26.183, mientras ke el setimanario en idish tinía una sirkulasiyon de 7.000, la kuala kada dia abashava má. [7]

En los sus priméros diyas, el Forward iva soportar los sindikatos i un sosializmo demokratiko, moderado. Estaba muy liasonado kon los sindikatos, espesialmente el International Ladies' Garment Workers' Union; Benjamin Schlesinger, un direktivo de la ILGWU, fue direktor del djurnal enel anyo 1923, i dempues ritornó a la direksiyon de la ILGWU enel anyo 1928. Eldjurnal tambien iva apoyar a David Dubinsky, el kualo eventualmente susedió a Schlesinger en la ILGWU.

Esta edision del Forward en idish, soportaba la re-eleksiyon de Roosevelt komo “La opsiyon de los lavoristas” en la su portada el 1 de Novembro de 1936

El eskritor má konosido del "Forward" en idish era Isaac Bashevis Singer, el kualo resivió un Premio Nobel en literatura, anke endemas Leon Trotsky i Morris Winchevsky, entre otros sosialistas mondiales konosidos, eskrivieron enel djurnal.


Oy endia[trocar | trocar el manadero]

Komo la enfluensia del Partito Sosyalista de Amerika tanto en la komunita djudia komo en el paez empiesó a akabar, el djurnal se unió a loslibberalos amerikanos, afilúsigió kon una oryentasiyon sosyal-demokratika. La versiyon en inglez tiene enfluensia en la komunita djudia del paez, komo una fuente de analsis politiko libberalo.

La edisiyon en idish a empiesado a kreser de muevo, shukur a ke endagora egzisten kursos i lisiones de idish en las universitas i los elevos de eyas se amostran interesados en el djurnal i en komunikarse en idish. La sirkulasiyon esta endagora en unos 5.0000. El direktor aktualo del Yiddish Forward es Boris Sandler, un moldavo el kualo es endemas uno de los eskritores sekulares má signifikantes oy endia en idish.

En el anyo 1995, basho la direksiyon de Vladimir "Velvl" Yedidowich i por alkunos anyos, tambien egzistia una edisiyon en ruso. Esta eventualmente se trokó a ser una entitá kompletamente separada, la kuala fue komprada enel 2004 [8] por RAJI (Russian American Jews for Israel). Este mismo anyo, Forward vendióla su partisipasiyon en el kanal de televizyón WEVD al kanal de esportes ESPN. En kontraste kon la versiyon ingleza, la edisiyon en ruso i los sus lektores eran má ke tódu de dirita. En Marso del anyo 2007, el su nombre fue trokado a Forum.

La frágua del djurnal[trocar | trocar el manadero]

La frágua del djurnal Forward

Durante la su mayor popularitá, en Forward mandó konstruyir una frágua de 10 pisos en East Broadrway, Manhattan, en el Lower East Side, desinyada por el arkitekto George Boehm i kompletada enel 1912, kon kolumnas de marmol, imajenes en relieve de Karl Marx i Friedrich Engels, ansina komo endemás Ferdinand Lassalle, el fondador djudio delprimér partito sosyalista almán i de August Bebel, el antonses shefe del Partito Sosyal Demokratiko Alman para el momento del fraguamyénto.

En la anyada de los 90, la frágua fue trokada en un kondominio.[9] [10]

Referensias[trocar | trocar el manadero]

  1. Eisner Breaks Glass Stelya at Jewish Forward, 07/01/08, By Besa Luci, WeNews correspondent
  2. J.J. Goldberg - Forward.com
  3. Eisner Breaks Glass Stelya at Jewish Forward, 07/01/08, By Besa Luci, WeNews correspondent
  4. "Streetscapes/The Jewish Daily Forward Building, 175 East Broadway; A Capitalist Venture With a Socialist Base". Gray, Christopher. The New York Times, 2007.
  5. The Forward - Our history
  6. "The Victim of Success". Time Magazine, 1962
  7. "Back to the Forward", Alterman, Eric. The Nation. 22 de Mayo de 2000
  8. Forward Backlash. Jarrett Murphy, The Village Voice, 11 de Jenero de 2005
  9. Gray, Christopher. "Streetscapes/The Jewish Daily Forward Building, 175 East Broadway; A Capitalist Venture With a Socialist Base", The New York Times', April 2, 2007.
  10. Das Forvert Building. Ariel Pollock, 2007

Enlasos eksternos[trocar | trocar el manadero]