Toluca (belediye)

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Toluca
טולוקה

Meksiko

Meksiko

452.37 km²

2600 m.

819 561 mor. (2010)

Fernando Zamora Morales

{{{djentilisio}}}

15106

Toluca es uno delos belediye de la rejion Toluca i uno de los 125 belediyes del Estado de Meksiko, La kavesera del belediye es la sivdad de Toluca de Lerdo i es sivdad kapitala del mismo estado. La povlasion del belediye es de 819 561 morantes, en el anyo 2010.^[1] Toluka kolinda kon los belediyes de Metepec, San Mateo Atenco, Xonacatlán, Otzolotepec, Temoaya, Almoloya de Juárez, Zinacantepec, Coatepec Harinas, Tenango del Valle i Calimaya.

Etimolojia

Toluca, en lingua aborijinala signifika Lugar del dio Tolo, el orijen del biervo en lingua nahuatl es Tolloh (Tolotzin, deidad de los matlatzincas) i -can (lugar), deriva de una aglutinasion de palavras, kedando ansina, Tollohcan. El belediye resibe el nombre de la kavesera, la kual es Toluca de Lerdo.

Istoria

Antikas ruinas de la sivdad de Calixtlahuaca.

Los primeros afinkamientos umanos del Vale de Toluca fueron, asegun los enrejistros, en 1200 a.K. En el Muzeo de Antropolojía e Istoria, ay restos de guesos de animales topados en la antika Hazienda La Pila, en San Buenaventura.

El Vale de Toluca se topa rodeado por montanyas de grande altura i surkado por el eskueto del Río Lerma. Alredor del anyo 600 d.C. se afinkaron en Matlatzingo o Vale de Toluca, varios clanes komo los matlazincas, los otomíes, los mazahuas i los tlahuicas, entre otros puevlos.

Calixtlahuaca es una delas antikas sivdades de la Rejion de Matlatzingo, fue okupada por los matlatzincas, i konkostada por los aztekos.

Jeografia

Toluca topa al noroeste el estado, konta kon una superfisie de km² de territorio. La kavesera o kapital es Toluca de Lerdo i al norte topa kon el belediye de Temoaya, al sud kon Coatepec Harinas, al sudeste kon Tenango del Valle, al este kon Calimaya, San Mateo Atenco, Xonacatlán i Otzolotepec, al oeste kon Zinacantepec i Almoloya de Juárez. ^[2]

Orografia

La altitud maksima del belediye es el Inyevado de Toluca, una muntanya de 4,500 ensima del nivel dela mar, la saya de montanya abasha azta el Val de Matlatzingo azia el norte, lugar donde se topan los afinkamientos.

Idrografia

En la sima de muntanya Inyevado de Toluca ay dos lagos de agua dulse, zon yamadas Laguna del Sol i lagona de la luna; el desyelo de las inives de la muntanya forma el rio Lerma i los humidales del vale. El rio Lerma nase al sud en las muntanya i abasha azia el norte.

Klima

En el belediye de Toluca, ay un kima templado humido bastante agradavle a pesar de ser un lugar seko ande muchiguan los kaktos i endemas muchiguan los pinos. El mayor kalor es en los mezes de Mayo azta Agosto, en invierno kaji no ay luvias, anke la temperatura abasha azta -5 grados abasho de zero i ay presensia de inyeve.

Paizajes de Toluca
Nevado de Toluca
Tlalmimilolpan
San Pablo Autopan
San Felipe Tlalmimilolpan
Laguna El Sol

Governo i administrasion

La otoridad del belediye mas emportante esta representada por el Ajuntamiento de Toluca, estruktura de governo lokalo elejido por votasiones ke emiten los sivdadanos mayores de 18 anyos de edad.

Alkalde	Periodo
Juan Carlos Núñez Armas	2000-2003
Armando Enríquez Flores	2003-2006
Juan Rodolfo Sánchez Gómez	2006-2009
María Elena Barrera Tapia	2009-2011
Guillermo Legorreta Martínez	2012
Martha Hilda González Calderón	2012-2014
Braulio Antonio Álvarez Jasso	2015
Fernando Zamora Morales	2016-2018

Infraestruktura

Komunikasion i transporte

Toluca konta kon una grande rede de estradas kue kovren un elevado porsentaje del territorio del belediye, mesmamente es aprovechado por la una grande kantidad de linyas de otobusos kue konektan kon munchos belediyes del estado i las prinsipales sivdades del paiz, el belediye konta kon una Terminal de Otobusos.

Toluca tyene un ayroporto internasional yamado Adolfo López Mateos, es afinkado en la lokalidad de San Pedro Totoltepec, konekta kon ayroportos del paiz i alkunos fuera del paiz (Estados Unidos i Honduras), tiene la pista de aterrizaje mas lunga de todo Meksiko i es fraguado a 2500 metros sobre el nivel dela mar.

Es chiko el uso de transporte kolektivo, anke agora mesmo, esta amuchiguando el uzo de trenes de sekanias komo el Treno interurbano azia la Sivdad de Meksiko, la primera linya es de Zinacantepec-Observatorio, la linya mas lunga de los trenos de pasajeros, dempues de la linya Cuatitlán-Buenavista.

Demografia

Lokalidad	Povlasion
Total del belediye	819,561
Toluca de Lerdo	467,712
San Pablo Autopan	30,531
San José Guadalupe Otzacatipan	29,847
San Pedro Totoltepec	19,052
San Mateo Otzacatipan	18,871
San Andrés Cuexcontitlán	14,687
Santiago Tlacotepec	13,561
Cacalomacán	11,414
Calixtlahuaca	8,394
San Felipe Tlalmimilolpan	8,103
San Marcos Yachihuacaltepec	5,173
San Lorenzo Tepaltitlán	427