Umut Güzelses
Umut Güzelses (en ivrit: אומיט גונזאלס) es un djugador turkano-yisraeli del ekip Hacettepe Spor Kulübü.
La familya de Güzelses es sefardi, desendiente de los arifujiados ke eskaparon de la Inkisision Espanyola. Eyos izieron la su aliya kuando Umut tinía 3 anyos, má la adaptasiyon al muevo paez fue zor.[1]
Empesijo de la su karriera[trocar | trocar el manadero]
Umut empiesó la su karriera kon el klub yisraelí Hapoel Tel Aviv. Kon el fin de mantener la su sivdadaniya turkana i no ser yamado para las Huérsas Armadas de Yisrael, se unió a la armada turkana por tres meses. Hapoel no kiría desharlo ir kuando el su padre disho ke Umut tinía una amijor oferta de un ekip grande de la Turkiya. Sólu fue dempues ke el su padre amenasó kon saltar desde una de las lampas del estadio kuando el ekip achetó desharlo troker de ekip.[2]
Karriera en la Turkiya[trocar | trocar el manadero]
Enel anyo 2006, Umut empiesó a djuegar en uno de los má grandes ekipos de la Turkiya, Fenerbahçe. El empiesó enel ekip en un djuego kontro de Sivasspor el 11 de Novembre de 2006. Umut endemas fue emprestádo a el ekip yisraeli Maccabi Herzliya, de la Sigunda Division del Futbol de Israel para la sesyon 2008–2009, dempues de estar emprestádo a Hapoel Tel Aviv la sesyon anterior. El su akódro kon el Fenerbahçe akaba el 31 de Mayo de 2011.[3]. Umut fue eskojido para djuegar en el ekip Sub-21 de la Turkiya, i djuegó en kontro de Albania el 17 de Jenero de 2007. [4]. Aktualmente esta djuegando para el kip Hacettepe Spor Kulübü, de la Sigunda Division Turkana, el kualo lo tiene komo empréstimo del Gençlerbirliği.
Referensias[trocar | trocar el manadero]
- ↑ אומיט גונזאלס ערך אימון בכורה עם גיא לוזון. Por Lia Lalutzashvili. One.co.il
- ↑ הושג פתרון - גונזאלס ירד מהעמוד. Por Ophira Assayeg. One.co.il
- ↑ Player Profile at TFF.org
- ↑ Milli Maçlar
Atamientos eksternos[trocar | trocar el manadero]
- Stats in Israel at IFA