Universita Nasionala Djudia de Birobidjan
La Universita Nasionala Djudia de Birobidjan o Akademia Estatala para Umanidades i Estudios Sosyales de Birobidjan es una universita publika la kuala lavora en kondjunto kon la komunita djudia de la sivdad de Birobidjan i la Esnoga Ortodoksa de Birobidjan. La universita es unika en el Leshano Oryente de Rusia en serla unika universita ke dikta lisiones en idish, afilu la baza del kurso de empiese en la universita es el estudio del ivrit, la istorya de pueblo djudio i tekstos klasikos djudios.[1]
Resientemenye, en la Provensiya Otonoma Ebrea a aparesido un kresiente interezo en las sus raizes djudias. Los elevos estudian ivrit i endemas idish tanto en las eskolas djudias komo en la Universita Nasionala Djudia. Enel anyo 1989, la komunita djudia aperturó la su eskola de alhad, ande los elevos estudian idish, aprenden dansas folkorikas djudias i sobre la Istorya de Israel. El govyerno de Israel finansia este programa. [2]
Enel anyo 2007, empiesó el primér Programa de Enverano para la Kultura i el Idioma Idish de Birobidjan, una inisiativa del profesor de Estudios de Idish Boris Kotlerman de la Universita Bar Ilan[3][4]. El idish es ainda la sigunda lingua ofisiala de la Provensiya Otonoma Ebrea, anke sólu lo favlan alkunos de los 6.000 djudios de la provensiya [5]. Este programa inkluye lisiones eksternas en la viya de Valdgeym i trabashos sobre la su erensia djudia.[6]
Referensias[trocar | trocar el manadero]
- ↑ The Official Government Portal of the Jewish Autonomous Region Portal - Religion
- ↑ Jewish Oblast retains identity despite emigration. Djurnal Vladivostok Focus
- ↑ Yiddish Summer School in Birobidzhan
- ↑ Birobidzhan Yiddish Program Starts JTA
- ↑ Russia’s Jewish republic renewed. JTA
- ↑ Yiddish Summer School in Birobidzhan