Universita de Sankore
La Universita de Sankore, la Mishkita de Sankore o la Madrasa de Sankore es la más aedada de las tres eskolas relijiozas ke se topan en Timbuktu, Mali, Afrika Oksidentala. Las tres mishkitas, Sankore, Djinguereber i Sidi Yahya azen parte de la konosida Universita de Timbuktu. Madrasa sinyifika "eskola" en arabo i en otras linguas lisionadas kon la relijion islamika.
El Imperio de Mali se izo kon el kontrolo de la sivdad de Timbuktu enel anyo 1270 durante el reinado del Mansa (emperador de Mali) Ouali I. Alderedor del anyo 1300, una mujer tuareg, konosida por la su rikesa, dio las parás para el fraguamyento de la masdrasa de Sankore. Por modre de esto, la sivdad i sus madrasas yegaron a ser emportantes para ombres de todo el mundo musulmano.
La madrasa de Sankore fue restorada enel anyo 1581, por demanda del djuzgo prinsipalo de la sivdad, Al-Qadi Aqib ibn Umar ibn Mahmud. El kurtijo de la madrasa fraguada tenía el mismo tamanyo ke la Kaaba de La Meka, uzando una kuédra para azer las medisiones menesterozas.[1]