Valdgeym

de Vikipedya, la ansiklopedya líbera
Saltar a: navigación, buxcar

Waldheim o Valdgeym (en lingua rusa Валдгейм; en idish װאלדהײם, Valdheym) es una viya en la Provensiya Otonoma Ebrea, Rusia. Valdgeym era el lugar ande fue establesido el primer kolhoz en la provensiya.[1] Enel anyo 1992, Valdgeym era la mayor kooperativa de agrikultura en la rejion. [2]

Istorya[trocar | editar código]

La viya Valdgeym fue fondada enel anyo 1928 por un grupo de kolonos djudios orijinalos de las rejiones ke oy endiya azen parte de Lituania, Letonia i Polonia. Enel anyo 1929, fue aperturada la primera eskola de Valdgeym, kon todas las lisiones en idish. Entre sus fondadores se topava L. Geffen, ken fuyó de un shtetl chiko serka de Vilna. [3] Enel anyo 2004, su ijo Zyama Geffen, de edad de 83 anyos, ainda bivía en Valdgeym. Zyama tenía sesh anyos kuando el su padre arrivó a Valgdeym enel anyo 1928.[4]

Enel anyo 1980, fue aperturada una eskola idish.[5] Durante el syéklo XX, el shefe del komité sentralo de la URSS, Mikhail Kalinin, dezeyó ke Valdgeym i otras viyas i sivdades de la Provensiya Otonoma Ebrea yegasen a ser muevos sentros de vida djudia en la Union Sovyetika.[6]

Referensias[trocar | editar código]

  1. Stalin's Forgotten Zion (en lingua inglesa)
  2. Search for Identity. Djurnal Moscow Times (en lingua inglesa)
  3. Veterans of Russia's Jewish land take lots of pride in the good ol' days. JTA (en lingua inglesa)
  4. Where Russians Cursed in Yiddish (en lingua inglesa)
  5. The Jews of the Soviet Union: The History of a National Minority
  6. Khrushchev on the Withering Away of the Jewish National Home (en lingua inglesa)

Ver endemas[trocar | editar código]