Wadi Abu Jamil

de Vikipedya, la ansiklopedya líbera
Saltar a: navigación, buxcar

Wadi Abu Jamil, ubikada en el sentro de la sivdad de Beirut en el area de Centre Ville, era la máale djudia de la sivdad.

Istorya[trocar | editar código]

la máale era el korason de la komunita djudia libanesa, kon la má grande i emportante esnoga del paez, la Esnoga Magen Abraham. En la komunita bivian djudios libanezos i endemas arifujiados ke vinían de Suriya i de Irak. Anke la mayor parte de la komunita ya avía salido del paez dempues de la Krisis Libaneza de 1958 i la Gerra Sivil Libaneza, las huérsas de la OLP de Yasser Arafat la okuparon má las huérsas Kristyánas o Falanjistas kudiaron la máale durante la Gerra del Libanon de 1982. Afilú la presensia de huérsas palestinas en la máale forsaron a un atako aereo yisraeli el kualo kavzó danyos a la Esnoga Magen Abraham.

La Esnoga Magen Abraham

Oy endia[trocar | editar código]

Aktualmente, la erensia djudia de la maále esta basho amenasa, ya ke la máale i todo el distrito de Centre Ville estan siendo re-dezvelopados por la entreprisa fransesa Solidere. Enel anyo 2008, la kompanyia resivio munchas kritikas por destruyir tres fráguas antikas las kualas eran uzadas por Djudios Libanezos i ke estavan serka de la esnoga.[1]. Komo kualker otra frágua en Beirut, las fráguas tinían una arkitektura djudeo-arabe zor de konsigir en otro tipo de fráguas.[2] Asigun el djurnal yisraeli Haaretz, la esnoga tambien esta en perikolo de ser destruyida,[3]. Ma endagora, basho el kudiado del Konseho de Komunitas Djudias Libanezas, la esnoga se espera sea restorada.[4]

Dos fráguas residensiales de lukso estan siendo fraguadas en la máale, Wadi Hills[5] i Wadi Grand Residence.[6]


Referensias[trocar | editar código]

  1. Iskandar, Amine-Jules (March 19, 2008). Unknown title. L'Orient-Le Jour. Retrieved on 2009-5-15.
  2. Statement from SOLIDERE, thejewsoflebanon.org
  3. Beirut’s largest synagogue in danger of being demolished
  4. The Lebanese Jewish Community Council
  5. Wadi Hills
  6. Wadi Grand Residence

Enlasos eksternos[trocar | editar código]