Abdullah Gül

Un artíkolo de la Vikipedya, la ansiklopedya líbera
Abdullah Gül

Abdullah Gül es el aktual prezidénte de la Turkiya.

Biografiya[trocar | trocar el manadero]

Abdullah Gül nasió en Kayseri, una sivdad en el sentro de Anatolia. Gül ambezó ekonomiya en la Universita de Estambol i endemas izo parte de los sus estudios en Londra i Exeter, enel Reyno Unito. Entre los anyos 1983 i 1992 lavoró enel Banko Islámiko para el Dezvelopamyénto, en Djidda, Arabia Saudi. Enel anyo 1991, Gül fue elejido myembro del parlamento turkano, por el Partido Islámiko del Bienestar. Enel anyo 1995 fue reelejido i nombrado myembro del komité de liasiones internasionalas del parlamento fina el anyo 2001. Endemás entre los anyos 1996 i 1997 ejerció fue el Ministro de Estado i Portaboz del Govyérno. Enel anyo 199 fue elejido muevamente para el parlamento turkano, má endagora por el partito "Fazilet Partisi" (FP, "Partito de la Virtud" ) deke el su partido Refah Partisi fue kitado de la ley. Este mismo partito fue kitado de la ley enel anyo 2001, deke se apresentaba komo un partito islamiko. Ese mismo anyo, los riformistas del partito FP se separaron de los tradisionalos i kriaron el Partido de la Djustisia i el Dezvelopamiento. Enel anyo 2002, Gül fue elejido muevamente por Kayseri. El 24 de Avril de 2007, el su partito lo nombró kandidato para prezidénte de la Turkiya; anke muncha djente enel paez tinia sospechas de ke iva trokar el payis en una nasion islamika relijioza[1].

Komo prezidente de la Turkiya[trocar | trocar el manadero]

Afilú el 28 de Ogusto de este anyo fue elejido. En Sietembre de 2008 Gül fue el primér prezidente turkano en vijitar Armenia, lo kualo krió kontroversia i diskosiones en el su paez[2]. Resientemente el prezidente Gül vijitó Fransia[3], ande avló kon el presidente fransez Nicolas Sarkozy de la entrada de la Turkiya a la Union Evropea.


Referensias[trocar | trocar el manadero]

  1. Turkey's Gul vows secular agenda. BBC News
  2. Gul in landmark visit to Armenia.BBC News
  3. La Vijita del Prezidente Abdullah Gül en Fransya. Djurnal Şalom