Al-Ittihad
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| |||||||||||||||||||||
.jpg)
Al-Ittihad (en arabo, الاتحاد) es un djurnal arabo-yisraeli ke apartiene al Partito Komunista de Israel (Maki). Esta konsiderado komo el medio de komunikasyon en arabo mas antiguo del payis i el mas emportante.[1]
Istorya
[trocar | trocar el manadero]El djurnal fue fondado en 1944 por Emile Toma, Fuad Nassar i Emile Habibi. El su primer numero fue publikado el 14 de May de este anyo: Habibi lavoro komo editor del djurnal fina 1989. En el empesijo, el djurnal apartenia a la Liga de Liberación Nacional de Palestina. En Fevrero de 1948 las otoridades britanikas arretaron el djurnal, aboltando en Oktobre de este anyo, kon ayudo del partido Mapam.[2]
El buro prinsipal del djurnal fue trokado verso Nazaret, en el buro del partido Hadash, ama dospues torno a una fragua en la kaleja AMaronitim de Haifa. En 2006, kuando los lavorantes del djurnal aprontavan todo kon el buto de aboltar a la fragua originala en la kaleja Al-Hariri,[1] ama la fragua mueva fue alkansada por una raketa de Hizbola durante la Sigunda Gerra de Libanon i kedo aharvada.[3]
Referensias
[trocar | trocar el manadero]- 1 2 'The rocket hit the struggle for peace'. Haaretz (en inglez)
- ↑ Beinin, Joel. Was the Red Flag Flying There?: Marxist Politics and the Arab-Israeli Conflict in Egypt and Israel, 1948-1965. Berkeley: University of California Press, 1990. pp. 48, 50, 52.
- ↑ Haifa: Rocket hits anti-war newspaper. YNet (en inglez)