Alefbet kuneiforme ashuri
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El alefbet kuneiforme ashuri es uno de los sistemes de eskritura mas viejos de la istorya umana, uzados por mas de 3 mil anyos, desde el milenio katreno AEK fina el primer syeklo EK. El sistem kuneiformes fue uzado por varias linguas —sumerio, hitita i akadio— en la rejion de Oryente Medio, desde el Levante i Anatolia en el oeste verso Iran i Asya Sentrala en el oryente, i desde el Kavkaz al nord verso la Pensinsola Araba al sud.[1]
En el milenio katreno AEK, los sumerios prinsipiaron a eskrivir en la sus lingua kon piktogramas, los kualos arepresentavan objektos ama no konseptos, komo pue'ser mirado en la tabela de Kish (del 3.500 AEK). Dospues, los enshemplos piktografikos fueron echos mas simples i se trokaron por desenes mas abstraktos, aparesiendo los logogramas (dibujos ke arepresentan biervos), los kualos arepresentavan tanto objektos komo konseptos; la relasion entre los desenes i el su sinyifikado menguo kon el tiempo, i la kantidad de signos tambien. Ya egzistia el prinspio de transferensia fonetika (algunos de estos signos ya arepresentavan sonetes) ,[2] i esto avrio el kamino al desvelopamiento de la eskritura fonografika. Fina 2.600 AEK, los signos kuneiformes ya eran totalmente diferentes de piktograma orijinal.
La eskritura kuneiforme fue endemas adoptada por otras linguas komo el elamita, urartiano, el eblaita i kon algunos trokamientos, por el persa antiko i el ugaritiko.
Referensias
[trocar | trocar el manadero]- ↑ Seri, Andrea. El uso de la escritura cuneiforme para escribir el acadio. Universidad Nacional de Rosario. Facultad de Humanidades y Artes. Centro de Estudios Sobre Diversidad Cultural, 2015.(en kastilyano)
- ↑ Escandell Vidal, M. Victoria (2009). El lenguaje humano. Editorial Universitaria Ramón Areces. p. 85. ISBN 978-84-8004-931-3. (en kastilyano)